રાજ્યમાં સતત બીજા દિવસે કોરોનાના કેસ 1 હજારને પાર, 28 મોત, કુલ 51,485

રાજ્યમાં કોરોનાના કેસમાં સતત વધારો થઇ રહ્યો છે. ત્યારે રાજ્યમાં કોરોના સતત બીજા દિવસે કેસ 1000ને પાર થઇ ગયા હતા. જો કે, 28 મોત પણ થયા હતા. રાજ્યમાં કોરોનાના કુલ કેસ 51,485 થઇ ગયા છે.

ગાંધીનગર : રાજ્યમાં કોરોના વાઇરસના આંકડામાં સતત વધારો જોવા મળી રહ્યો છે. કોરોના વાઇરસ રોજ નવા વિક્રમ બનાવી રહ્યો છે. રાજ્યમાં કુલ આંકડો 50 હજાર વટાવી દીધો છે. સતત બીજા દિવસે 24 કલાકમાં 1020 કેસ સામે આવ્યા છે. જ્યારે કોરોના વાઇરસના કારણે છેલ્લા 24 કલાકમાં સારવાર લઈ રહેલા સૌથી વધુ 28 દર્દીના મોત થયા છે. રાજ્યમાં કોરના વાઇરસના કુલ 51485 પોઝિટિવ કેસ અત્યાર સુધીમાં નોંધાયા છે. જોકે, છેલ્લા 24 કલાકમાં રાજ્યમાંથી બુધવારે 837 દર્દીઓને રજા પણ આપવામાં આવી છે.

એક દિવસમાં કોરોનાના કેસ 1000 ને પાર

ગુજરાત કોરોના વાઇરસના કેસમાં ખૂબ જ આગળ વધી રહ્યું છે. રાજ્યમાં છેલ્લા 24 કલાકમાં અમદાવાદ મહાપાલિકા વિસ્તારમાં 181, સુરત મહાપાલિકા વિસ્તારમાં 201, વડોદરા મહાપાલિકા વિસ્તારમાં 62, સુરત 55, રાજકોટ કોર્પોરેશન 43, દાહોદ 27, ભરૂચ 27, મહેસાણા 24, ભાવનગર કોર્પોરેશન 22, ગીર સોમનાથ 21, કચ્છ 21, ગાંધીનગર 20, જુનાગઢ કોર્પોરેશન 20, સુરેન્દ્રનગર 20, બનાસકાંઠા 19, પાટણ 19, મહીસાગર 18, વડોદરા 18, અમરેલી 16, ભાવનગર 16, નવસારી 16, અમદાવાદ 15, ખેડા 14, નર્મદા 14, જામનગર કોર્પોરેશન 12, રાજકોટ 12, ગાંધીનગર કોર્પોરેશન 11, જુનાગઢ 10, બોટાદ 9, મોરબી સાબરકાંઠા, વલસાડ 8-8 આણંદ, છોટાઉદેપુર, પંચમહાલ 7-7 તાપી 5, અરવલ્લી 4 અને જામનગરમાં 3 કેસ સામે આવ્યા છે.જ્યારે 78 દર્દી વેન્ટિલેટર ઉપર રાખવામાં આવ્યાં છે. અત્યાર સુધી 2229 લોકોના મોત થયાં છે. જ્યારે અમદાવાદમા રાજ્યમાં સૌથી વધું 24963 કેસ થયાં છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યા છે. સુરત શહેર રાજ્યમાં બુધવારે પણ સૌથી ટોપ ઉપર રહ્યું છે. સુરત મહાનગરપાલિકા વિસ્તારમાં 201 કેસ સામે આવ્યા છે જ્યારે ગ્રામ્ય વિસ્તારમાં 55 કેસ સામે આવ્યાં છે. 24 કલાકમાં સુરતમાં 256 સામે આવ્યાં છે. જોકે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યા છે.