દેવભૂમિ દ્વારકા: હાલ વધી રહેલા કોરોનાના સંક્રમણને ધ્યાને લઈને સરકાર તેનાથી બચવા ખુબ જ મહત્વના નિર્ણયો લઇ રહી છે, તેની વચ્ચે વિક્રમ માડમ જે ખંભાળીયાના ધારાસભ્ય છે તેમને 74 ગામોના સરપંચને સન્માનિત કરવા એકઠા કર્યા હતા અને કોરોનાને નોતરું આપતા હોય એવા દ્રશ્યો સર્જ્યા હતા.
સરપંચોના સન્માન સમારોહ કાર્યક્રમ યોજ્યો
ખંભાળિયામાં વિક્રમ માડમ અને કોંગ્રેસ દ્વારા સરપંચોના સન્માન સમારોહ કાર્યક્રમ યોજ્યો હતો. કલેકટરશ્રી દ્વારા અવારનવાર સૂચનાઓ અને જાહેરનામા આપ્યા હોવા છતા પણ આ નેતાઓ પોતાની મનમાની કરીને સંક્રમણ ફેલાવામાં કોઈ કમી નથી રાખતા.
નેતાઓને છૂટછાટ અને સામાન્ય લોકોને બંધન આપતા નિયમો અંગે લોકોમાં રોષ
પ્રજાને કોઈ પ્રસંગ કે સમારહો કરવાનો હોય ત્યારે તેમના પર સરકારશ્રી દ્વારા અનેકો પ્રતિબંધ લાગાવેલા હોય છે, પણ જ્યારે કોઈ નેતાઓને રેલી કરવાની હોય તેમના કોઈ પ્રસંગ હોય ત્યારે તેમને આટલી છુટછાટ કેમ? નેતાઓને છૂટછાટ અને સામાન્ય લોકોને બંધન આપતા નિયમો અંગે લોકોમાં રોષ જોવા મળી રહ્યો છે. કાયદો બધા માટે એક સમાન છે એવું આમ નાગરિકનું કેહવાનું થાય છે, પણ નેતાઓ સામે કોઈ બોલવા માંગતું નથી.
કોવિડ નિયમો ભૂલી કાર્યક્રમો યોજતા નેતાઓ
કોંગ્રેસે તેમજ ધારાસભ્ય વિક્રમ માડમે યોજેલ સરપંચોના સન્માન સમારોહમાં મોટી સંખ્યા સરપંચો સહિતના લોકો માસ્ક અને સોશિયલ ડિસ્ટન્સ વિના નજરે પડ્યા હતા. કોવિડ નિયમો ભૂલી કાર્યક્રમો યોજતા નેતાઓએ લોકોની ક્યારે કરશે ચિંતા તે પ્રશ્ન ઉપસ્થિત થયો હતો.
જવાબદાર નેતાઓની બેજવાબદારી મોટી લાપરવાહી સમાન
વિક્રમ માડમનો રિપોર્ટ પોઝીટીવ (MLA Vikram Madam Corona positive) આવતા સંપર્કમાં આવેલા તમામ સરપંચોની ચિંતામાં વધારો થયો છે, આ બેદરકારી બદલ તંત્ર ધારાસભ્ય પાસે દંડ વસુલસે કે કેમ તે જોવું રહ્યું. જવાબદાર નેતાઓની બેજવાબદારી મોટી લાપરવાહી સમાન છે.
આ પણ વાંચો:
Congress MLA Vikram Madam Statement : કોરોના મૃતકોને સહાયને લઇ વિડીયો મેસેજમાં કર્યો ધડાકો
દેવભૂમિ દ્વારકામાં યુવાઓને શા માટે વેક્સિન આપવામાં આવતી નથીઃ ધારાસભ્ય વિક્રમ માડમ
