ડાંગ જિલ્લાના અમુક પંથકોમાં નિલગગન આભમાં વાદળોએ ઘેરાવો કરતા સમગ્ર વાતાવરણમાં પલટો જોવા મળ્યો હતો. મંગળવારના રોજ આહવા નજીકના બોરખલ વિસ્તારમાં ઝરમરીયો વરસાદ ચાલુ થયો હતો. જ્યારે સવારથી જ ગિરિમથક સાપુતારા સહિત તળેટી વિસ્તારમાં આવેલ શામગહાન, ભાપખલ, રાનપાડા, ચીરાપાડા, નડગચોડ, માનમોડી ગામમાં ધૂમ્મ્સમય વાતાવરણ વચ્ચે સવારના 4:30થી ઝરમરીયો વરસાદ ચાલુ થયો હતો.
સાપુતારા સહિત શામગહાન પંથકમાં વાતાવરણમાં પલટો આવતા ઝરમરીયો વરસાદ
સાપુતારા સહિત શામગહાન પંથકમાં વરસાદી માવઠું પડતા સવારના પહોરથી જ જનજીવનને ઠંડીના ચમકારાનો અનુભવ થયો હતો. તેમજ અચાનક કમોસમી વરસાદનું માવઠું તૂટી પડતા સમગ્ર વાતાવરણમાં ઠંડકતાની શીત લહેર વ્યાપી જવા પામી હતી.
ડાંગ જિલ્લામાં છેલ્લા ત્રણેક દિવસથી વાદળછાયું વાતાવરણ રહેતાં જિલ્લાના અમુક વિસ્તારોમાં કમોસમી વરસાદ પડ્યો છે. વાતાવરણમાં અચાનક બદલાવ આવવાની સાથે જ દિવસભર ધૂમમ્સમય વાતાવરણ નજરે ચડે છે.
