દાહોદઃ જિલ્લાના દેવગઢ બારીઆ તાલુકાના કાળીડુંગરી ગામના રહેવાસી વિક્રમ નરવત પટેલ અને એક યુવતીએ લીમડાના ઝાડ ઉપર ઓઢણી બાંધી અગમ્ય કારણોસર ગળે ફાંસો લગાવી આત્મહત્યા કરી લીધી હતી.
ઘટનાની જાણ બન્નેના પરિવારજનો સહિત ગ્રામજનોને થતાં તમામ લોકો ઘટના સ્થળે ઉમટી પડ્યા હતા. ઘટનાની જાણ પોલીસને થતા પોલીસ પણ સ્થળ પર દોડી ગઈ હતી. પોલીસે બન્નેના મૃતદેહનોને નીચે ઉતારી પોસ્ટમોર્ટમ અર્થે નજીકની હોસ્પિટલે ખસેડ્યા હતા.
આ બન્નેએ કયા કારણોસર આત્મહત્યા કરી તેનું હાલ ચોક્કસ કારણ જાણી શકાયું નથી, પરંતુ બન્ને વચ્ચે પ્રેમસંબંધ હોવાની ચર્ચાએ જોર પકડ્યું છે, ત્યારે સમગ્ર હકીકત શું છે તે પોલીસ તપાસમાં જ બહાર આવશે.
