જાણો,સંઘપ્રદેશ દાદરા નગર હવેલીમાં કોરોના સામે કઈ રીતે કામ કરી રહ્યું છે પ્રશાસન

સમગ્ર વિશ્વમાં કોરોનાના કહેર વચ્ચે દેશ સહિત તમામ રાજ્ય સરકાર કાર્ય કરી રહી છે, ત્યારે આવો જાણીએ દાદરા નગર હવેલીમાં કોરોના સામે પ્રશાસન કઇ રીતે કામ કરી રહ્યું છે.

સેલવાસ: કોરોના સામે ગુજરાત રાજ્યની જેમ સંઘપ્રદેશ પ્રશાસન પણ દિવસ રાત કામ કરી રહ્યું છે. પ્રશાસનની અનેક ટીમ અંતરિયાળ ગામડાઓ તેમજ શહેરી વિસ્તારમાં ફરી લોકોને કોરોના સામે જાગૃત કરી જરૂરિયાતની ચીજવસ્તુઓ આપી રહી છે. આરોગ્ય વિભાગ પણ મુખ્ય રસ્તાઓ, શેરીઓ અને હોસ્પિટલોને ચેપરહિત કરી રહી છે.

દાદરા નગર હવેલીમાં કોરોના સામે કઈ રીતે કામ કરી રહ્યું છે પ્રશાસન

સંઘપ્રદેશ દાદરા નગર હવેલી પ્રશાસન દ્વારા કોરોના સામેની લડતમાં ગંભીર બની કામગીરી કરવામાં આવી રહી છે. જે અંતર્ગત પ્રશાસને આપેલા અખબારી યાદી મુજબ આરોગ્ય વિભાગ દ્વારા 12 હોસ્પિટલ, 4 કોરોન્ટાઇન સ્થળો, 37 સરકારી ઇમારતો, 28 જાહેર સ્થળો, 1899 ચાલ, 19 જાહેર રસ્તાઓને ડિસઇન્ફેક્શન કર્યા છે.

દાદરા નગર હવેલીમાં કોરોના સામે કઈ રીતે કામ કરી રહ્યું છે પ્રશાસન

પ્રદેશના 197 ફાર્મસીઝમાંથી 166 ફાર્મસીઝની મુલાકાત લીધી છે. જેમાં 123 મેડિકલ સ્ટોર ખુલ્લા જોવા મળ્યા છે. જ્યારે 43 મેડિકલ સ્ટોર બંધ જોવા મળ્યા હતાં. આ તમામ મેડિકલ સ્ટોરમાં માસ્ક, હેન્ડ સેનીટાઇઝર, હાઇપો ક્લોરાઇડ સોલ્યુશનના જથ્થા અંગે ચકાસણી કરવામાં આવી હતી. જે મુજબ 446 સેનીટાયઝરનું વિતરણ, 254 સ્ટોકમાં, 4600 માસ્કનું વિતરણ, 5000 માસ્ક સ્ટોકમાં, 97 હાઇપો ક્લોરાઇડ સોલ્યુશનનું વિતરણ કરાયું છે.

દાદરા નગર હવેલીમાં કોરોના સામે કઈ રીતે કામ કરી રહ્યું છે પ્રશાસન

પ્રદેશમાં લૉકડાઉનને કારણે તમામ મુખ્ય ચેકનાકાઓ પર પોલીસ બંદોબસ્ત ગોઠવવામાં આવ્યો છે અને પ્રદેશ બહારના વાહનોને પરત મોકલવામાં આવી રહ્યા છે. જેમાં દાદરા ચેકપોસ્ટથી 50 વાહનોને પરત જ્યારે નારોલી ચેકપોસ્ટથી 30 વાહનોને પરત અને 100 વાહનોને એન્ટ્રી આપી હતી. ખરેડી ચેકપોસ્ટ ખાતેથી 5 વાહનોને પરત 13 વાહનોને એન્ટ્રી આપવામાં આવી હતી. 1લી એપ્રિલના એક જ દિવસમાં હેલ્પલાઇન નંબર પર 1174 લોકોએ કોરોના અંગે જાણકારી મેળવી હતી અથવા તો જરૂરિયાત મુજબની ફરિયાદ નોંધાવી હતી.એજ રીતે નગરપાલિકા અને જિલ્લા પંચાયતની વિવિધ ટીમ દ્વારા પણ શહેરી અને ગ્રામ્ય વિસ્તારમાં લોકોને જાગૃત કરી મદદરૂપ થઇ રહ્યા છે. જેમાં 3141 લોકોને સવાર-બપોર-સાંજનું ભોજન પીરસવામાં આવ્યું છે. જે માટે 32 સ્થળો પર આ કામગીરી કરવામાં આવી રહી છે. જિલ્લા પંચાયત દ્વારા 20 ગ્રામ પંચાયતમાં 1842 સેનીટાયઝરનું વિતરણ, 3205 ઘર, 5673 ચાલ, 10 અંતરિયાળ વિસ્તારના 20 સ્થળો પર 15322 લોકો અને ચાલના 5526 લોકોની આરોગ્ય ચકાસણી કરી કોરોના સામે જાગૃતિ ફેલાવવામાં આવી છે.આ ઉપરાંત અનાજ કરિયાણાની 32 દુકાનો પર તપાસ હાથ ધરી હતી. આ સાથે જ જીવન જરૂરિયાતની ચીજવસ્તુઓનું ઉત્પાદન કરતી કંપનીઓમાં પણ મુલાકાત લેવામાં આવી હતી. જેમાં દાદરામાં 15 યુનિટ, નરોલી, ખરડપાડામાં 9 યુનિટ, મસાટ, રખોલીમાં 4 યુનિટ, આમલીમાં 11 યુનિટ, ખાનવેલમાં 1 યુનિટ અને ખડોલીમાં એક યુનિટ કાર્યરત છે.