આજથી ગુજરાત વિધાનસભાનું સત્ર શરૂ થઈ રહ્યું છે. ત્યારે સત્રના પ્રથમ દિવસે જ રાજ્યના નાયબ મુખ્યપ્રધાન અને નાણાં પ્રધાન નીતિન પટેલ રાજ્યનું સંપૂર્ણ બજેટ રજૂ કરવા જઈ રહ્યા છે. 21 દિવસીય ચોમાસુ સત્રમાં નવી નીતિ પ્રજાલક્ષી યોજનાઓ સાથે આ અંદાજપત્ર હોવાની વાત સામે આવી રહી છે.
જ્યારે મહત્વની વાત કરવામાં આવે તો સત્રના પ્રથમ દિવસે 6 શોક પ્રસ્તાવ, 2 બિલ અને રાજ્યનું બજેટ રજૂ કરવામાં આવશે. જ્યારે આ બજેટમાં કુલ 5 જેટલા બિલ પસાર કરવામાં આવશે. જેમાં અશાંત ધારો, ઇ-સિગારેટ, જેવા બિલ ગૃહમાં રજુ કરવામાં આવશે. મળતી માહિતી પ્રમાણે રાજ્યનું ફાયર સેફટી કાયદો, જલનીતિ કાયદામાં સુધારો કરવામાં આવશે. આમ આવનાર બજેટ પ્રજાલક્ષી હોવાનું સામે આવ્યું છે.
ઉલ્લેખનીય છે કે, રાજ્યના નાયબ મુખ્યપ્રધાન અને નાણાં પ્રધાન નીતિન પટેલ મંગળવારે બજેટ રજૂ કરશે. તે દરમિયાન વિપક્ષ દ્વારા ગૃહમાં હોબાળો કરીને વિરોધ કરશે. જ્યારે અગાઉ પણ વિપક્ષ દ્વારા બજેટનો વિરોધ કરવામાં આવ્યો હતો.
