ભાવનગર: ભાવનગર શહેરમાં કોરોનાના નવા કેસો ચાર દિવસથી સામે આવ્યા નથી. તેમજ સ્વસ્થતાની ટકાવારી વધી રહી છે. એટલે ભાવનગર કોરોના મુક્ત તરફ આગેકૂચ કરી રહ્યું છે. જ્યારે કન્ટેન્ટમેન્ટ ઝોન શહેરના 23 અને જિલ્લામાં 16 છે. પરંતુ નવા કેસો નહીં આવવાથી લોકોને આશા છે કે, ભાવનગર કોરોનામુક્ત બનશે.
ભાવનગરમાં કોરોના દર્દીની સંખ્યા ઘટતા શહેરની કોરોનામુક્ત તરફ આગેકૂચ
શહેરમાં છેલ્લા ચાર દિવસથી કોરોનાના નવા કેસ સામે આવ્યા નથી. શહેરના ભરતનગર વિસ્તારમાં વીણાબેન ભટ્ટ 65 વર્ષીય સ્વસ્થ થયા છે. જો કે, કુલ કેસ 119 છે, જેમાં મૃત્યુ 8 ના થયેલા છે. આમ હવે પોઝિટિવ દર્દી માત્ર 10 સારવાર લઇ રહ્યાં છે. જયારે કોઇ નવા કેસ નહી નોંધાય તો નગર કોરોનામુક્ત તરફ પ્રયાણ કરી રહ્યું હોવાની આશા જાગી છે.
