રાજ્ય સરકાર દ્વારા અતિવૃષ્ટિને લઇ ખેડૂતો માટે 3700 કરોડ જેટલું ખાસ પેકેજ મંજૂર કરવામાં આવ્યું છે. જેમાં ભાવનગર જિલ્લાના 10 તાલુકાઓમાં સરેરાશ 100 ટકા કરતા વધુ વરસાદ અને પાંચ જિલ્લાઓમાં 150 ટકા કરતા વધુ વરસાદના આંકડા નોંધાયા છે. અતિવૃષ્ટિ જેવા માહોલમાં ખેતીના ઉભા પાકને ખૂબ જ નુકશાન થવા પામ્યું હતું. જેને લઇ રાજ્યસરકાર દ્વારા આંકડા અનુસાર ખેડૂતોને વળતર આપવાની જાહેરાત કરી તેમજ પાકવીમો ધરાવતા ખેડૂતોને પણ તેમને પાક વીમાનું પૂરતું વળતર મળશે તેવી ખાતરી પણ આપવામાં આવી છે. ત્યારે ભાવનગરના ઘોઘા તાલુકાના ખેડૂતો રોષે ભરાયા છે.
ઘોઘા તાલુકાના ખેડૂતો દ્વારા અતિવૃષ્ટિને લઇ સહાયના પેકેજમાં સમાવેશ કરવાની માગ કરવામાં આવી રહી છે.
રાજ્ય સરકાર દ્વારા સર્વે કરાવી અને વિવિધ તાલુકાનો અતિવૃષ્ટિ સહાયના પેકેજમાં સમાવેશ કરવામાં આવ્યો છે ત્યારે તમામ મથકો પર સરકાર દ્વારા નુકશાની અનુસાર વળતર આપવામાં આવશે.
