2019ના પાલિતાણા જીવલેણ હુમલામાં 3 આરોપીઓને 10 વર્ષની સજા

ભાવનગરના પાલિતાણામાં 2019માં થયેલા હુમલામાં આરોપીઓને 10 વર્ષની સજા આપવામાં આવી છે. પાલિતાણામાં રહેતા મહેબૂબ ઉર્ફે અક્ષય મહેતર પર સદામ ભટ્ટા, ઈમ્તિયાઝ કાળું અને લતીફ સિપાઈએ તલવાર અને પાઇપ વડે જીવલેણ હુમલો કર્યો હતો. ભાવનગર કોર્ટે ત્રણેયને કસૂરવાર ઠેરવી સજા આપી છે.

• જીવલેણ હુમલામાં આરોપીને 10 વર્ષની સજા કોર્ટે આપી છે
• ભાવનગર કોર્ટે ત્રણેયને કસૂરવાર ઠેરવી સજા આપી છે
• તલવાર અને પાઇપ જેવા તીક્ષ્ણ હથિયાર સાથે ઇજા પહોંચાડી જીવલેણ હુમલો કર્યો હતો

ભાવનગરઃ પાલિતાણામાં 2019માં થેયલા હુમલામાં આરોપીઓ સામે કોર્ટ દ્વારા કડક કાર્યવાહી કરવામાં આવી છે. કોર્ટે જીવલેણ હુમલાના બનાવમાં 3 આરોપીને 10 વર્ષની સજા આપી હતી.

આ પણ વાંચોઃ પાલિતાણા નગરપાલિકાની ચૂંટણીનો મામલો હાઇકોર્ટ સુધી પહોંચ્યો

પાલિતણામાં બન્યો હતો 2019માં બનાવ

પાલિતાણામાં રહેતા ઘેટીરિંગ રોડ પરના મહેબૂબ ઉર્ફે અક્ષયભાઈ મહેતર ઉપર પૈસાની લેતીદેતી મામલે હુમલો થયો હતો. ઉછીના લીધેલા પૈસા સદામ ભટ્ટાને પરત આપ્યા હોવા છતાં અન્ય બે શખ્સો સાથે મળીને મહેબૂબ પર તલવાર અને પાઇપ જેવા તીક્ષ્ણ હથિયાર સાથે ઇજા પહોંચાડી જીવલેણ હુમલો કર્યો હતો. ઇજા પામેલા મહેબૂબભાઈની ફરિયાદ બાદ પોલીસે ત્રણ આરોપીઓને ઝડપી લઈ કાયદેસરની કાર્યવાહી કરી હતી.

પાલીતાણામાં 2019ના જીવલેણ હુમલામાં ત્રણને 10 વર્ષની સજા ફાટકારતી કોર્ટ

કોર્ટમાં કેસ ચાલી ગયા બાદ આરોપીઓને સજા પાલિતાણાના રહેવાસી મહેબૂબ ઉર્ફે અક્ષય મહેતર ઉપર થયેલા હુમલામાં પોલીસે સદામ ભટ્ટા, ઈમ્તિયાઝ કાળુભાઇ અને લતીફ જીભાઈ સિપાઈને ઝડપી લીધા બાદ કોર્ટમાં કેસ ચાલી જતા ભાવનગર ડિસ્ટ્રીકટ કોર્ટમાં આર ટી વાચ્છાણી સાહેબની કોર્ટે સદામ ભટ્ટા,ઈમ્તિયાઝ કાળું અને લતીફ સિપાઈને 10 વર્ષની સજા અને 10 હજારનો દંડ ફટકાર્યો છે. જ્યારે નસીમબેન મહેબૂબભાઈ ભટ્ટાને નિર્દોષ જાહેર કર્યા છે.

આ પણ વાંચોઃ આણંદમાં 2013 ના દુષ્કર્મના આરોપીને 10 વર્ષની સખત કેદની સજા