- માસ્ક, બ્રેથ એનેલાઈઝર અને CCTV દ્વારા પણ વાહનચાલકો પર બાઝ નજર
- ગુજરાતમાં દારૂ ઘુસાડવામાં અમીરગઢ બોર્ડર અગ્ર સ્થાને
- રાજસ્થાન અને ગુજરાતની બોર્ડર પર 31 ફસ્ટને કારણે સુરક્ષા વધારાઈ
બનાસકાંઠા : જિલ્લામાં દારૂની પાર્ટી યોજી કે દારૂ પીને 31 ફર્સ્ટની ઉજવણી કરનારાઓની હવે ખેર નથી. કારણ કે, બનાસકાંઠામાં દારૂના રસિયાઓના રંગમાં ભંગ પાડવા માટે પોલીસે તખ્તો તૈયાર કરી દીધો છે. ગુજરાતમાં દારૂ બંધી હોવા છતાં દરરોજ મોટા પ્રમાણમાં દારૂ વેચાય છે અને પીવાય પણ છે. ત્યારે બનાસકાંઠાને અડીને આવેલા રાજસ્થાનમાંથી બનાસકાંઠા જિલ્લામાં મોટા પ્રમાણમાં દારૂ ઘુસાડવામાં આવતો હોય છે. ત્યારે 31 ફર્સ્ટ ડિસેમ્બરને લઇ પોલીસ દ્વારા તમામ જગ્યાઓ પર સઘન ચેકિંગ હાથ ધરવામાં આવ્યું છે. બનાસકાંઠાની અમીરગઢ બોર્ડર, પાંથાવાડા બોર્ડર, થરાદ બોર્ડર પરથી મોટા પ્રમાણમાં રાજસ્થાનમાંથી દારૂ લઈ જવામાં આવે છે. જેના કારણે કુલ 7 ચેકપોસ્ટ પર અત્યારે પોલીસ દ્વારા ચુસ્ત બંદોબસ્ત ગોઠવવામાં આવ્યો છે. આ સિવાય પણ સિવાય પણ પોલીસ સતત પેટ્રોલિંગ કરી રહી છે.
કોરોના મહામારીને ધ્યાનમાં રાખીને ચેકિંગ હાથ ધરાયુ
આ વર્ષે કોરોના મહામારીનો કપરો સમય હોવાથી ખાસ ખાનગી પાર્ટીપ્લોટ અને ફાર્મ હાઉસ પર પણ ચાંપતી નજર રાખવામાં આવશે. રાજસ્થાનમાંથી ગુજરાતમાં પ્રવેશ કરતા તમામ વાહનોનું જીણવટ ભરી રીતે ચકાસણી કરવામાં આવી રહ્યુ છે. હાલમાં કોરોના વાઇરસ ની મહામારીને ધ્યાને લઇ પોલીસ દ્વારા પ્રાઇવેટ સાધનોમાં વધારે પડતા લોકો ભરીને રાજસ્થાનમાં પ્રવેશ ન કરે, તે માટે પણ પૂરતું ધ્યાન રાખવામાં આવી રહ્યું છે. જેથી આવનારા સમયમાં કોરોના વાઇરસના સંક્રમણમાં વધારો થાય નહીં.
માસ્ક, બ્રેથ એનેલાઈઝર અને CCTV દ્વારા પણ વાહનચાલકો પર બાઝ નજર
અમીરગઢ ચેકપોસ્ટ પર પોલીસ દ્વારા માસ્ક, બ્રેથ એનેલાઈઝર અને CCTV દ્વારા પણ વાહનચાલકો પર બાઝ નજર રાખવામાં આવી રહી છે અને જો દારૂ પીધેલી હાલતમાં વાહન ચલાવતા હોય, દારૂ સાથે કોઈ શખ્સ પકડાય કે પછી સરકારી ગાઈડલાઈનનો ભંગ કરે તો તેની સામે કડક કાર્યવાહી કરવામાં આવી રહી છે.
ગુજરાતમાં દારૂ ઘુસાડવાની અમીરગઢ બોર્ડર પ્રથમ
ગુજરાત અને રાજસ્થાનને અડીને આવેલી અમીરગઢ બોર્ડર પર દર વર્ષે મોટા પ્રમાણમાં બુટલેગરો દ્વારા મોટા પ્રમાણમાં દારૂ ઘુસાડવામાં આવે છે. અમીરગઢ બોર્ડર પરથી બુટલેગરો દ્વારા અવનવા કિમીયાઓ અપનાવી ગાડીઓ દ્વારા વિદેશી દારૂ ગુજરાતમાં ઘુસાડવામાં આવે છે. ત્યારે પોલીસ દ્વારા સઘન ચેકિંગ દરમિયાન સૌથી વધુ બનાસકાંઠા જિલ્લાની અમીરગઢ બોર્ડર પરથી દર વર્ષે વિદેશી દારૂ ઝડપી પાડવામાં આવે છે. ત્યારે આગામી 31 ફર્સ્ટની ઉજવણીના ભાગરૂપે કોઈપણ પ્રકારે અમીરગઢ બોર્ડર પરથી બુટલેગરો દ્વારા રાજસ્થાનમાંથી ગુજરાતમાં વિદેશી દારૂ ઘુસાડવામાં ન આવે તે માટે હાલ અમીરગઢ બોર્ડર પર પોલીસનો ચાપતો બંદોબસ્ત ગોઠવવામાં આવ્યો છે.
