આ યાત્રા શરૂ કરવાનો હેતું પર્યાવરણ અંગે લોકોમાં જાગૃતિ લાવવા સાથે કાશ્મીરને પણ ભારતનો અભિન્ન દર્શાવવાનો પ્રયાસ કર્યો છે. આ યુવક લોકોમાં પર્યાવરણ અંગે જાગૃતિ લાવવાના આશયથી બનાસકાંઠાના ડીસા પહોંચ્યો છે. હજારો મિલની સાઇકલ યાત્રા ખેડીને ડીસા પહોંચેલા આ યુવકે તેની સાઇકલ યાત્રા અંગે વાત કરી હતી. આ યુવકે પર્યાવરણ જાળવણી માટે લોકોને પ્રેરણારૂપ સાબિત થાય તે માટે પોતાની બહેનના લગ્નમાં કરિયાવરની જગ્યાએ 251 વૃક્ષ આપ્યા હતા. આ યુવક આજે દેશના અનેક રાજ્યમાં ફરી પર્યાવરણ અને વનયજીવોની જાણવાની માટે લોકોને અપીલ કરી રહ્યા છે.
પર્યાવરણ પ્રેમીએ સાયકલયાત્રા કરી પર્યાવરણનો સંદેશ આપ્યો રાજસ્થાનથી નીકળેલ નરપતસિંહ બુધવારે ડીસાની કૃષિ વિજ્ઞાન કેન્દ્ર ખાતે પહોચ્યા હતાં. જ્યાં કૃષિ વિજ્ઞાન કેન્દ્ર ખાતે અભ્યાસ કરતા વિધાર્થીઓને પર્યાવરણ બચાવવા માટેની અપીલ કરી હતી. જે બાદ વિદ્યાર્થીઓની સાથે રહી અને વૃક્ષારોપણ પણ કર્યું હતું. વિદ્યાર્થીઓએ જણાવ્યું હતું કે, આજે વૃક્ષઓનું સંખ્યા ઘટી રહી છે, જેના કારણે ભવિષ્યમાં દેશ માટે મોટો ખતરો ઉભો થઇ શકે તેમ છે. દરેક વ્યક્તિએ આ સમસ્યાનો સામનો ન કરવો પડે તે માટે વધુમાં વધુ વૃક્ષ વાવી અને તેનું જતન કરવું જોઈએ.ડીસા ખાતે આવેલા પર્યાવરણ પ્રેમીના માર્ગદર્શનથી લોકોમાં જાગૃતિ આવી રહી છે. જેમાં ડીસા ખાતે કૃષિ વિજ્ઞાન કેન્દ્ર ખાતે ફરજ બજાવતા અને પર્યાવરણ પ્રેમી યોગેશ પવારે જણાવ્યું હતું કે, વૃક્ષોની ઘટતી સંખ્યાના કારણે વાતાવરણમાં પ્રદૂષણનું પ્રમાણ વધી રહ્યું છે. જેના કારણે માનવજાતિ અલગ-અલગ પ્રકારની બિમારીનો શિકાર બની રહ્યો છે. આગામી સમયમાં લોકો પર્યાવરણને બચાવે નહીં તો લોકોએ મોટા ખતરાનો સામનો કરવો પડશે. અમારી કોલેજની મુલાકતે આવેલા નરપતસિંહ રાજપુરોહિતની પર્યાવરણ બચાવવાની યાત્રા ખૂબ જ પ્રેરણા રૂપ છે. લોકો પર્યાવરણને સમજતા થશે તો દેશ આખો હરિયાળો થઈ જશે.
