ગુરૂવારે ડીસાના કંશારી ગામે બનાસકાંઠા બેઠકના ભાજપના ઉમેદવાર પરબત પટેલની સભા યોજાઈ હતી. જેમાં છેલ્લા કેટલાય સમયથી કોંગ્રેસથી નારાજ થયેલા કોંગ્રેસના 10 થી વધુ કાર્યકર્તાઓ ભાજપમાં જોડાયા હતા. જેમાં આ તમામ કાર્યકર્તાઓને બનાસકાંઠા બેઠકના ભાજપના ઉમેદવાર પરબત પટેલ દ્વારા ભાજપનો ખેસ પહેરાવ્યો હતો.
બનાસાકાંઠામાં 10થી વધુ કોંગ્રેસ કાર્યકતાઓએ ભાજપનો ખેસ ધારણ કર્યો ગુજરાતમાં લોકસભા ચૂંટણી માટે હવે ગણતરીના દિવસો બાકી છે, ત્યારે બનાસકાંઠામાં કોંગ્રેસથી નારાજ કાર્યકર્તાઓ ભાજપમાં જોડાતા કોંગ્રેસને મોટો ફટકો પડી શકે છે. અલ્પેશ ઠાકોર કોંગ્રેસમાંથી રાજીનામું આપી દીધું છે. દરેક નેતાઓ પોતાની પ્રતિક્રિયાઓ આપી રહ્યાં છે. બનાસકાંઠા બેઠકના ભાજપના ઉમેદવાર પરબત પટેલે મોટું નિવેદન આપતા કહ્યું કે, “અલ્પેશ રાજીનામું આપી અમારી સાથે જોડાય છે એ જ અમારૂં સમર્થન છે. એટલે કે અલ્પેશ ભાજપમાં જોડાવવાની વાત અને ભાજપને સમર્થન આપી રહ્યાંની વાતને ક્યાંક સમર્થન મળી રહ્યું છે.”
