ચકલી દિવસ પર બાળકોએ કર્યો લોકશાહીના બચાવનો એક નવતર પ્રયાસ

બનાસકાંઠા: દર વર્ષની 20મી માર્ચના રોજ 'વિશ્વ ચકલી દિવસ'ની ઉજવણી કરવામાં આવતી હોય છે.  જો કે હાલના સમયમાં પૃથ્વી પર સતત વધી રહેલા રેડીએશનને લઈને ચકલીની પ્રજાતી લુપ્ત થતી જઇ રહી છે. ત્યારે ચકલીઓના બચાવ માટે દર વર્ષેની 20મી માર્ચના રોજ ચકલી દિવસની ઉજવણી કરવામાં આવે છે. ત્યારે ડીસામાં એક સરકારી શાળાઓના વિદ્યાર્થીઓ દ્વારા ચકલીઓને બચાવવાનો મેસેજ આપવાની સાથે લોકશાહીને બચાવવા માટે લોકોને મતદાન કરવાની અપીલ કરી હતી.

બનાસકાંઠાના ડીસામાં આવેલીચીમનલાલ હંસરાજ દોષી પ્રાથમિક શાળા જિલ્લા પંચાયત સંચાલિત આ શાળામાં શહેરના સહુથી ગરીબ પરિવારના બાળકોને કેળવણીના પાઠ ભણાવવામાં આવે છે. આ શાળાના બાળકો બેશક આર્થિક રીતે ગરીબ છે. પરંતુ માનસિક રીતે ઘણા આગળ છે.આ શાળાના બાળકો 'ચકલી દિવસ'ના પ્રસંગે ચકલીઓ માટે માળા તૈયાર કરી રહ્યાં છે. રેડીએશનનું પ્રમાણ વધતાં અને જંગલોના નાશ થતાં ચકલીઓના આવાસ પણ હવે બચ્યા નથી.

આ શાળામાં અભ્યાસ કરતાં નાના બાળકોએ ચકલીઓ માટે ઘર બનાવવાની શરૂઆત કરી છે. અત્યારે આ બાળકો ચકલીઓ માટે ઘર તૈયાર કરી રહ્યાં છે. આ ઉપરાંત આ બાળકો ચકલી બતાવવાની સાથે સાથે લોકશાહીને બચાવવાનોપ્રયાસ કરી રહ્યાં છે. આ નાનકડા ભૂલકાઓ અત્યારે ચકલીઓ માટે ઘર તો બનાવી રહ્યાં છે. પરંતુ પક્ષીઘર પરએક ખાસ પ્રકારનું ચિત્રકામ કરી રહ્યાં છે. આ બાળકો અત્યારે પક્ષી માટે બનાવવામાં આવી રહેલા ઘરો પર લોકોને મતદાન કરવા માટે પ્રોત્સાહિત કરતાં ચિત્રો દોરી રહ્યાં છે. આ ભૂલકાઓની કામગીરી ચકલીઓ બચાવવાની સાથે-સાથે લોકોને પણ મતદાન કરવાની અપીલ કરી રહ્યાં છે.

જે શાળામાં અભ્યાસ કરતાં બાળકો આર્થિક રીતે પછાત અને તેમના વિચારો આટલા સમૃદ્ધહોય તે શાળાના આચાર્ય પણ ધન્યવાદને પાત્ર બને છે. કારણ કે, શાળાના આચાર્યએ જ આ બાળકોના સંસ્કારોનું સિંચન કર્યું છે.