દાંતીવાડામાં નકલી બિયારણ અંગે હંગામો, અધિકારીઓએ તપાસના આદેશ કર્યા

બનાસકાંઠાના દાંતીવાડા પંથકમાં નામચીન કંપનીનું બિયારણ હલકી ગુણવત્તાવાળુ નીકળતા અનેક ખેડૂતોએના ખેતરોમાં બાજરીનો પાક થયો નથી. કંપનીનું નકલી બિયારણ હોવાના ગંભીર આક્ષેપો સાથે પીડિત ખેડૂતો એ વીડિયો બનાવી સોશિયલ મીડિયામાં વાયરલ કર્યો છે અને કંપની સામે કાયદેસરની કાર્યવાહી કરવાની માંગ કરી છે.

• બનાસકાંઠા ના દાંતીવાડા માં નકલી બિયારણથી ખેડૂતોને નુક્શાન
• પયોનિયર 86 M નામનું બિયારણ વાવ્યા બાદ બાજરી ઊગી જ નહીં
• બનાસકાંઠા જિલ્લા ખેતીવાડી અધિકારીએ તપાસના આદેશ કર્યા

બનાસકાંઠા : દાંતીવાડા તાલુકાના સોતરવડા ગામમાં અનેક ખેડૂતોએ બ્રાન્ડેડ પાયોનીયર કંપનીના બાજરી માટે બિયારણ લાવી વાવેતર કર્યુ હતું પરંતુ આ બિયારણ હલકી ગુણવત્તાના હોવાના કારણે ખેડૂતોના ખેતરોમાં બાજરીનો પાક થયો જ નથી. જેના કારણે ખેડૂતોને લાખો રૂપિયાનું નુકસાન વેઠવાનો વારો આવ્યું છે.

બિયારણના કારણે નિષ્ફળ ગયો પાક

સોતરવાડા ગામમાં અંદાજીત 100થી પણ વધુ ખેડૂતોએ આ બ્રાન્ડેડ 86 M પાયોનીયર કંપનીના બાજરી માટે બિયારણ લાવીને વાવેતર કર્યું હતું. ત્યાર બાદ દસ દિવસ રાહ જોયા બાદ બાજરીમાં દાણો બહાર ન નીકળતા આખરે ખેડૂતોને આ બિયારણ ડુપ્લિકેટ હોવાનું જણાયું હતું. જેથી આ મામલે પીડિત ખેડૂતો એ કંપનીના ડીલર અને સંચાલકોને પણ વાત કરી હતી,પરંતુ ખેડૂતોની વાત ન સાંભળતા આખરે કંટાળેલા ખેડૂતોએ ભેગા થઈ આ પાયોનીયર કંપનીનું બિયારણ ડુપ્લીકેટ હોવાના ગંભીર આક્ષેપ કરતો સાથે વિડીયો બનાવી સોશિયલ મીડિયામાં વાયરલ કર્યો છે, સાથે જ ડુપ્લીકેટ બિયારણ બનાવનાર વેચનાર અને ખેડૂતો સાથે છેતરપિંડી કરનાર તમામ લોકો સામે કાયદેસરની કાર્યવાહી કરવાની માંગણી કરી છે.

આ પણ વાંચો : બનાસકાંઠાના સરહદી વિસ્તારના ખેડૂતોએ જાતે કરી કેનાલની સફાઈ

ખેડૂતોને થયું નુક્સાન

આ અંગે સોતરવાડા ગામના અરજણભાઈએ મીડિયા સાથે વાત કરતા જણાવ્યું જતું કે તેમના ત્રણ વીઘા જમીનમાં 86 M પાયોનીયર કંપનીની ત્રણ થેલી બાજરી ના બિયારણ નું વાવેતર કર્યું હતું પરંતુ ખેતરમાં કંઈ જ ઊગ્યું નથી અને તેમને મોટું નુકસાન થયું છે.ત્યારે આવી કંપની સામે કાયદેસરની કાર્યવાહી કરવામાં આવે જેથી આવનારા સમયમાં અન્ય ખેડૂત છેતરાય નહીં.

આ પણ વાંચો : હરાજીમાં સારો ભાવ મળતા, ટેકાના ભાવે મગફળી વેચવામાં ખેડૂતોની ઉદાસીનતા

આ અંગે ખેતીવાડી અધિકારીએ તપાસના આદેશ કર્યા

દાંતીવાડા તાલુકાના સોતરવાડા ગામમાં ખેડૂતોએ બ્રાન્ડેડ પાયોનીયર કંપનીનું બાજરીનું બિયારણ લાવી વાવેતર કર્યું હતું પરંતુ એક પણ દાણો ખેડૂતના ખેતરમાં ન આવતા આખરે આ બિયારણ ડુપ્લિકેટ હોવાનું ખેડૂતોને જાણવા મળ્યું હતું. જ્યારે આ બાબતે અધિકારીઓને ખેડૂતો દ્વારા જાણ કરવામાં આવતા અધિકારીઓ આ બાબતે કોઇ પગલા નહોતા લીધા. જેથી કંટાળેલા ખેડૂતો એ આ સમગ્ર ઘટનાનો વિડીયો બનાવી વાયરલ કર્યો હતો. જે બાબતની જાણ બનાસકાંઠા જિલ્લા ખેતીવાડી અધિકારીને થતા બનાસકાંઠા જિલ્લા ખેતીવાડી અધિકારીએ પણ આ સમગ્ર મામલે તપાસના આદેશ કર્યા છે અને તપાસ દરમિયાન જે પણ સત્ય હકીકત આવશે તેમની સામે કાયદેસરની કાર્યવાહી કરવામાં આવશે.