- પાલનપુર, ડીસા તેમજ ભાભર નગરપાલિકાની સામાન્ય ચૂંટણી 28 ફેબ્રુઆરીએ યોજાશે
- ધાનેરા અને થરા પાલિકાની પેટા ચૂંટણી પણ યોજાશે
- ચૂંટણીઓ નિર્ભિક વાતાવરણમાં અને નિષ્પક્ષ રીતે થાય તે માટે નોડલ ઓફિસરોની કરાઈ નિમણુંક
બનાસકાંઠાઃ જિલ્લાની પાલનપુર, ડીસા અને ભાભર નગરપાલિકાની સામાન્ય ચૂંટણી તથા થરાદ અને ધાનેરા નગરપાલિકાની પેટા ચૂંટણી, 14-માંડલા કાંકરેજ તાલુકા પંચાયત અને 9- મોટી મહુડી દાંતીવાડા તાલુકા પંચાયતની પેટા ચૂંટણી આગામી તારીખ 28 ફેબ્રુઆરીના રોજ યોજાવાની છે.
9 નોડલ ઓફિસરોની નિમણુંક
આ સ્થાનિક સ્વરાજની ચૂંટણીઓ મુક્ત, ન્યાયી અને તટસ્થ માહોલમાં યોજાય તે માટે બનાસકાંઠા જિલ્લા ચૂંટણી અધિકારી અને કલેકટર આનંદ પટેલે હુકમ કરી ચૂંટણીલક્ષી વિવિધ કામગીરી માટે 9 જેટલાં નોડલ ઓફિસરોની નિમણુંક કરી છે.
- ટ્રાન્સપોર્ટ મેનેજમેન્ટના નોડલ ઓફિસર તરીકે પ્રાદેશિક વાહન વ્યવહાર અધિકારી પાલનપુર અને વિભાગીય નિયામક એસ. ટી. ડીવીઝન પાલનપુર
- ટ્રેઇનીંગ મેનેજમેન્ટના નોડલ ઓફિસર તરીકે આયોજન સહ તાલુકા વિકાસ અધિકારી, દાંતા
- ઓબ્ઝર્વર નોડલ ઓફિસર તરીકે કાર્યપાલક ઇજનેર, માર્ગ અને મકાન (રાજ્ય) પાલનપુર
- કાયદો અને વ્યવસ્થાના નોડલ ઓફિસર તરીકે નાયબ પોલીસ અધિક્ષક, હેડ ક્વાર્ટર, પાલનપુર
- મિડીયા નોડલ ઓફિસર તરીકે નાયબ માહિતી નિયામક, પાલનપુર
- કોમ્પ્યુટરાઇઝેશન નોડલ ઓફિસર તરીકે એન.આઇ.સી.ઓફિસર, પાલનપુર
- સ્ટાફ વેલફર ડીસ્ટ્રીક્ટ નોડલ ઓફિસર તરીકે કાર્યપાલક ઇજનેર, માર્ગ અને મકાન (પંચાયત) પાલનપુર અને મુખ્ય જિલ્લા આરોગ્ય અધિકારી, જિ. પંચાયત, પાલનપુર
- ઉમેદવાર ખર્ચ નોડલ ઓફિસર તરીકે જિલ્લા તિજોરી અધિકારી, બનાસકાંઠા, પાલનપુર
- અસક્ષમ- દિવ્યાંગ મતદારો માટે નોડલ ઓફિસર તરીકે પી.ડબ્લ્યુ.ડી.અધિકારી અને જિલ્લા સમાજ સુરક્ષા અધિકારી, પાલનપુર
