મળતી માહિતી અનુસાર, ભિલોડાના ભાણમેર ગામે એસ.ટી ખાતામાં નોકરી કરતાં અરવિંદ બાબુભાઇ બરંડાએ રવિવારે સાંજે નજીકમાં રહેતા અને ખેતમજૂરી કરી જીવન નિર્વાહ ચલાવતા નાના ભાઈ શૈલેષભાઇ સાથે ‘થ્રી ફેઝ’ વીજળી બાબતે ઝઘડો થયો હતો. જેમાં અરવિંદભાઇએ ઉશ્કેરાઇ હાથમાં રહેલી લાકડીના ઘા ઝીંકતા શૈલેષભાઈને ગંભીર રીતે ઘવાયા હતા. ઇજાગ્રસ્તને શૈલેષભાઇને તાત્કાલીક ખાનગી વાહન મારફતે ભિલોડા કોટેજ હોસ્પિટલમાં ખસેડાવામાં આવ્યા હતા. જો કે, સારવાર દરમિયાન શૈલેષભાઈનું મોત નિપજ્યુ હતું. ઘટનાની જાણ થતાં ભિલોડા પોલીસે મૃતક યુવકના મૃતદેહને પોસ્ટ માર્ટમ મોકલીને કાયદેસરની કાર્યવાહી હાથધરી હતી. જેમાં ફરાર આરોપીને અંબાજી બસ ડેપોમાંથી ઝડપી લેવામાં આવ્યો હતો.
