અરવલ્લી જિલ્લાના મોડાસા, બાયડ, શામળાજી સહિતના વિસ્તારોમાં ભગવાન જગન્નાથજીની રથયાત્રાઓ યોજાય છે. ત્યારે રથયાત્રા દરમિયાન ભાઈ-ચારો , કાયદો અને વ્યવસ્થા જળવાય તે માટે પોલીસ દ્વારા પ્રયાસો હાથ ધરવામાં આવી રહ્યા છે.
મોડાસામાં રથ યાત્રાને લઇને ફ્લેગ માર્ચ
મોડાસા શહેરમાં રથયાત્રા ભગવાન બાલક નાથજીના મંદિરેથી નીકળીને શહેરના વિવિધ વિસ્તારોમાં ફરે છે. રથયાત્રાના રૂટ પર પોલીસ દ્વારા ફ્લેગ માર્ચ યોજી રથયાત્રા રૂટનું નિરીક્ષણ કરવામાં આવ્યું હતું. પોલીસ ફ્લેગમાર્ચમાં મોડાસા ટાઉન પોલિસ, ટ્રાફિક પોલીસ તેમજ જિલ્લા LCB સહિત પોલિસ કર્મીચારીઓ જોડાયા હતા.
