વિશ્વ યોગ દિવસની અરવલ્લીમાં ઉજવણી,નગરજનો અને બાળકો ઉપસ્થિતિ

અરવલ્લીઃજિલ્લાની તમામ શાળાઓ તેમજ કોલેજોમાં યોગ દિવસની ઉજવણી કરવામાં આવી હતી ત્યારે જિલ્લા કક્ષાના યોગ દિવસની ઉજવણી કે.એન શાહ હાઈસ્કૂલમાં કરવામાં આવિ હતિ.

ઝારખંડ ના રાંચીથી વડાપ્રધાન નરેન્દ્ર મોદીના સંબોધન પછી યોગ કાર્યક્રમ શરૂ કરવામાં આવ્યો હતો ત્યારે અરવલ્લીમાં જિલ્લાકક્ષાના યોગ દિવસની ઉજવણી કરવા કે.એન શાહ હાઈસ્કૂલ પરિસરમાં વહેલી સવારે 6 વાગ્યાથી જ તમામ મહેમાનો પહોચ્યા હતા.

ઉપસ્થિતિ તમામ લોકોએ લગભગ 30 મિનિટ સુધી યોગ એક્સપર્ટ ના માર્ગદર્શનથી વિવિધ પ્રકારના યોગાસન કર્યા હતા. જેમાં ગુજરાત વિચરતી અને વિમુક્ત જાતિ વિકાસ નિગમ ના ચેરમેન લક્ષમણભાઈ પટણી ,જિલ્લા કલેકટર એમ.નાગરાજન, જિલ્લા પોલીસ અધિક્ષક મયુર પાટિલ, ડી.ડી.ઓ હર્ષિત ગોસાવી,મોડાસા પાલિકા ચીફ ઓફિસર પ્રણવ પારેખ, પાલિકા પ્રમુખ શુભાષભાઈ શાહ તેમજ મોટી સખ્યાં મા નગરજનો અને બાળકો ઉપસ્થિતિ રહ્યા હતા.