આણંદ: ગુજરાત કો-ઓપરેટિવ મિલ્ક માર્કેટિંગ ફેડરેશનના ચેરમેન તથા વાઇસ ચેરમેનની આગામી 23 જૂલાઇના રોજ ચૂંટણી યોજાશે. આ ચૂંટણીમાં કુલ 18 સંઘના પ્રતિનિધિ વોટ કરશે જેમાંથી કોઈ એક સહકારી ડેરી સંઘના ચેરમેન GCMMFLના ચેરમેન તથા વાઇસ ચેરમેનના પદ માટે પસંદગી પામશે.
ચેરમેન તથા વાઇસ ચેરમેનની ચૂંટણીની તારીખ જાહેર હાલ ખેડા જિલ્લા દૂધ ઉત્પાદક સંઘ (આણંદ/અમુલ) ડેરીના ચેરમેન રામસિંહ પરમાર ગુજરાત કો-ઓપરેટિવ મિલ્ક માર્કેટિંગ ફેડરેશન લિમિટેડના ચેરમેન પદ પર હતાં. સાથે જ ગોધરા ડેરી સંઘના ચેરમેન જેઠાભાઇ ભરવાડ GCMMFLના વાઇસ ચેરમેન તરીકે સેવા આપતા હતાં. હવે આગામી 23 જૂલાઈએ યોજાનારી ચેરમેન તથા વાઇસ ચેરમેનની ચૂંટણીમાં આ ચહેરાઓ પુન:રિપીટ કરવામાં આવે છે, કે ગુજરાત મિલ્ક માર્કેટિંગ ફેડરેશન લિમિટેડની કમાન અન્ય કોઈના હાથમાં આવે છે તે જોવું રહ્યું.
