રાજકોટની કુખ્યાત ડોન સોનુ ડાંગર વિરૂદ્ધ સાવરકુંડલા પોલીસ મથકમાં મહિલા પોલીસ સબ ઈન્સપેક્ટરે નોંધાવી છે. આરોપી મહિલા કુખ્યાત ડોન અને બુટલેગર સોનુ ડાંગરે સોશિયલ મીડિયામાં એક વીડિયો વાયરલ કરીને, સાવરકુંડલા પીએસઆઇ અને અમરેલી એસપીને જોઈ લેવાની ધમકી આપી હતી. આ વીડિયોમાં તેણે એસપી અને પીએસઆઇને અપશબ્દો બોલી જોઈ લેવાની ધમકી આપી હતી. આ અપશબ્દો બોલવા અને પોલીસને ધમકી આપવા બદલ સાવરકુંડલા પોલીસ મથરમાં સોનુ ડાંગર વિરૂદ્ધ ફરિયાદ મહિલા પોલીસ સબ ઈન્સપેક્ટરે નોંધાવી છે.
થોડા દિવસ આગઉ અમદાવાદમાં દારૂની મહેફિલ માણતા સમયે પકડાયેલી રાજકોટની કુખ્યાત મહિલા બુટલેગર સોનુ ડાંગરે મંગળવારે સોશિયલ મીડિયામાં અમરેલી એસપી નિર્લિપ્ત રાય અને સાવરકુંડલા તાલુકા પી.એસ.આઇ અલ્પા ડોડીયા માટે અભદ્ર ભાષાનો પ્રયોગ કરી પોલીસને જોઈ લેવાની ધમકી આપતો વીડિયો વાયરલ કર્યો છે.
કુખ્યાત મહિલા બુટલેગર સોનુ ડાંગરે એક વીડિયો વાયરલ કર્યો છે. આ વીડિયોમાં કોઈ મુન્નાભાઈ નામના ઈસમ વિરૂદ્ધ પોલીસે કાર્યવાહી કરતા પોલીસને જોઈ લેવાની ધમકી સોનુ ડાંગરે સોશિયલ મીડિયામાં વીડિયો મરફતે અમરેલી પોલીસને ધમકી આપી છે. જે કારણે અમરેલી પોલીસે સોનુ ડાંગર વિરૂદ્ધ સાવરકુંડલા પોલીસ મથકમાં ગુનો દાખલ કરીને સોનુ ડાંગરની ધરપકડ કરવા માટે ચક્રો ગતિમાન કર્યા છે.
