આરોપી ફરાર થતા 2 પોલીસકર્મી વિરુદ્ધ ગુનો નોંધી અટકાયત કરાઇ

અમદાવાદ: સરદારનગર પોલીસ સ્ટેશનમાં ધરપકડ કરેલ આરોપી લોકઅપમાંથી રાત્રે ફરાર થઇ ગયો હતો. આરોપી ફરાર થઇ જતા પોલીસ સ્ટેશનમાં દોડધામ મચી ગઈ હતી. જે સમગ્ર મામલો DCP સુધી પહોચતા DCP દ્વારા ફરજ પર હાજર અને જવાબદાર ૨ પોલીસકર્મી વિરુધ ગુનો નોધી અટકાયત કરવામાં આવી હતી.

શહેરના સરદારનગર પોલીસ સ્ટેશનમાં અમિત ચાવડા નામના આરોપીની અટકાયત કરવામાં આવી હતી. અટકાયત બાદ આરોપીને PSO શીલાબેનને સોપવામાં આવ્યો હતો અને આરોપીને બીજા દિવસે PSO મનુસિંહ પાસેથી કોર્ટમાં રજુ કરવા માટે લઇ જવાનો હતો, ત્યારે લોકઅપમાં જોતા આરોપી લોકઅપમાં ન હતો. આમ આરોપી પોલીસના હાથમાંથી છટકી જવા બદલ ફરજ પરના બંને પોલીસ કર્મી વિરુધ ગુનો નોધી બંનેની અટકાયત કરવામાં આવી હતી.