ઓઢવ રિંગ રોડ પર આવેલ હોટલ માહી પેલેસમાં કેટલાક લોકો શંકાસ્પદ પ્રવૃત્તિ કરવા રોકાયા છે. જે અંગે બાતમી મળતા ઓઢવ પોલીસે ઉચ્ચ અધિકારીઓને જાણ કરી રેડ કરવાનું નક્કી કર્યું હતું. પોલીસે વોચ ગોઠવી સવારે 10.25 વાગ્યે હોટલ માહી પેલસમાં પહોંચી હતી. જ્યાં રૂમ નંબર 408 ખોલતા તેમાં એક મહિલા અને ત્રણ યુવકો દારૂ પીધેલી હાલતમાં મળી આવ્યા હતા. તે રૂમમાં રહેલ મહિલા અન્ય કોઈ નહીં, પરંતુ રાજકોટની લેડી ડોન ઉષા ઉર્ફે સોનુ ડાંગર હતી. જે બાદમાં પોલીસે રૂમ ચેક કરતા એક બોટલમાં 200 એમ.એલ. દારૂ પણ મળી આવ્યો હતો. ત્યાર બાદ પોલીસે ચારે આરોપી અજ્ઞાત સ્થળે રાખ્યા હતા. જેથી પોલીસ કામગીરી પર અનેક સવાલો ઉભા કરી દીધા હતા. જેમાં ઝોન-5 ડીસીપી આરોપી પૂછપરછમાં જાણવા મળ્યું હતું, તેમની સલામતી માટે તેમને ખાનગી જગ્યાએ રાખવામાં આવ્યા હતા.
રાજકોટની લેડી ડોન અમદાવાદમાં સાગરીતો સાથે દારૂની મહેફિલ માણતા ઝડપાઇ
