હવામાન વિભાગ દ્વારા ઓરેન્જ એલર્ટ જાહેર કરવામાં આવ્યું છે, જેથી હવે અમદાવાદમાં ગરમીનું તાપમાન 43 ડિગ્રી સુધી પહોંચી શકે છે. ગરમીનું પ્રમાણ 2 દિવસ સુધી યથાવત જ રહેશે. આગામી 14 અને 15 એપ્રિલના રોજ બનાસકાંઠા, સાબરકાંઠા, અમરેલી, વડોદરામાં વરસાદની આગાહી છે.
તો આ સાથે જ 16મી એપ્રિલના રોજ સાબરકાંઠામાં સામાન્ય વરસાદની પણ આગાહી હવામાન વિભાગ દ્વારા આપવામાં આવી છે. કારણ કે, વેસ્ટર્ન ડિસ્ટબર્નના કારણે પવનની દિશા બદલાતા વાતાવરણમાં પલટો જોવા મળી શકે છે.
નોંધનીય છે કે, ઉનાળાની શરૂઆતથી સૂર્યનારાયણનો પ્રકોપ જોવા મળી રહ્યો છે. ત્યારે ગરમીથી બચવા લોકો ઘરની બહાર નિકળવાનું ટાળી રહ્યાં છે. જેથી શહેરના રસ્તાઓ પણ સુમસાન જોવા મળી રહ્યાં છે.
