સાબરમતી રીવરફ્રન્ટ અમદાવાદ ખાતે 20 હજારથી પણ વધુ દેશભરના સરપંચો માટે આ મહા સંમેલનનું આયોજન કરવામાં આવ્યું છે. નાયબ મુખ્યપ્રધાન નીતિન પટેલે જણાવ્યું હતું કે, રીવરફ્રન્ટ ખાતે યોજાનાર આ સરપંચ સંમેલનમાં ગુજરાતના 10 હજાર સરપંચ તથા ઉત્તરપ્રદેશ, બિહાર, મહારાષ્ટ્ર, રાજસ્થાન, મધ્યપ્રદેશ, છત્તીસગઢ, પંજાબ, હરીયાણા સહિત અન્ય રાજ્યો અને કેન્દ્રસાશિત પ્રદેશના 10 બજાર સરપંચ મળી કુલ 20 હજારથી વધુ સરપંચ આ સંમેલનમાં ભાગ લેશે. તદ ઉપરાંત સ્વચ્છતાગ્રહી, સ્વ-સહાય જુથો, યોજના સાથે સંકળાયેલા ગ્રામ્ય સ્તરના સ્વચ્છતા વર્કરો, મહિલા ચેમ્પીયન મળી કુલ પ્રતિનિધિઓના 60 ટકાથી વધુ બહેનો પણ ભાગ લે તે માટે અગ્રીમતા પણ અપાઈ છે.
આ કાર્યક્રમમાં વિવિધ રાજ્યોમાંથી ઉપસ્થિત રહેનાર 10 હજારથી વધુ સરપંચોને અમદાવાદ, સુરત, વડોદરા અને મહેસાણા તેમ 4 ઝોનમાં વિભાજીત કરી ગાંધીજીની સ્મૃતિને લગતાં સ્થળોની મુલાકાત પણ કરાવામાં આવશે. એટલું જ નહી પણ ગુજરાતની પરંપરાગત સંસ્કૃતિ નવરાત્રીના ગરબા સ્થળે પણ મુલાકાત લેશે, સાથે-સાથે તેમના માટે ઈ કાર્યક્રમમાં સહભાગી થવા માટે 400થી વધુ બસની વ્યવસ્થા પણ કરવામાં આવી છે. અન્ય રાજ્યોમાંથી આવતા પ્રતિનિધિઓને ઝોન પ્રમાણે ગાંધીજીની સ્મૃતિ સાથે સંકળાયેલા સ્થળો દાંડી મેમોરીયલ-નવસારી, સ્ટેચ્યુ ઓફ યુનિટી-નર્મદા, દાંડી કુટિર, મહાત્મા મંદિર-ગાંધીનગરની તેમજ મોડલ ગામની મુલાકાત પણ કરાવામાં આવશે. આ તમામ પ્રતિનિધિઓને ગુજરાતની સ્મૃતિ તરીકે સ્ટેચ્યુ ઓફ યુનિટીના કિચન સાથે એક કિટ અર્પણ કરાશે.
અમદાવાદ રીવરફ્રન્ટ ખાતે યોજાનાર આ કાર્યક્રમમાં કેન્દ્ર સરકારના મંત્રીમંડળના સભ્યો, દેશ-વિદેશના મહાનુભાવોને પણ સહભાગી થવા માટે આમંત્રણ અપાયુ છે. તદ ઉપરાંત રાજ્ય મંત્રીમંડળના સભ્યો, ધારાસભ્યો, સંસદસભ્યો, બોર્ડ કોર્પોરેશનના ચેરમેન, શસસ્ત્ર દળના વડાઓ, હાઇકોર્ટના ન્યાયાધિશ, પદ્ય એવોર્ડ વિજેતા, ગાંધીયન સંસ્થાઓ, શિક્ષણવિદો, મહિલા મંડળ, સખી મંડળ, યુવા મંડળો અને વિવિધ સંસ્થાના વિદ્યાર્થીઓને પણ આમંત્રિત કરવામાં આવશે.
