અમદાવાદ રાજ્યમાં વિધાનસભાની ચૂંટણીમાં ભાજપે ઐતિહાસિક 156 બેઠક (Gujarat Assembly 2022) મેળવી છે. ત્યારે રાજ્યના નવા મુખ્યપ્રધાન ભૂપેન્દ્ર પટેલ અને પ્રધાન મંડળે શપથ ગ્રહણ કર્યા હતા. ત્યારે આ વખેત કઈ પાર્ટીમાં કેટલા ગુનાહિત ઈતિહાસ (Criminal Background of MLAs of Gujarat) ધરાવતા ધારાસભ્યો છે. ગુજરાત ઈલેક્શન વૉચ (Gujarat Election Watch) અને એસોસિએશન ફૉર ડેમોક્રેટિક રિફોર્મ (Association for Democratic Reform) દ્વારા 182 ઉમેદવારોના એફિડેવિટનું વિશ્લેષણ કરવામાં આવ્યું હતું. તેની પર કરીએ એક નજર.
આ ચૂંટણીમાં જીતેલા 182 ઉમેદવારોમાંથી 40 (22 ટકા) ઉમેદવારોની સામે ગુનાઓ નોંધાયેલા છે. જ્યારે વર્ષ 2017માં આ સંખ્યા 47 (26 ટકા) હતી. બીજી તરફ 29 ઉમેદવારોની સામે ગંભીર ગુનાઓ દાખલ છે. તો વર્ષ 2017ની ચૂંટણીમાં 33 ધારાસભ્યો એવા હતા, જેમની સામે ગંભીર ગુનાઓ હતા. આ સાથે જ ગુનાહિત ઈતિહાસ ધરાવતા ધારાસભ્યોની સંખ્યા આ વખતે ઘટી છે.
