Ahmedabad Accident: ઇસ્કોન બ્રિજ અકસ્માત મામલે પોલીસે આરોપીને સાથે લઈને ઘટનાનું રિકન્સ્ટ્રકશન કર્યું, કુલ 7 લોકોની ધરપકડ

અમદાવાદ ઇસ્કોન બ્રિજ પર મોડી રાત્રે થયેલા અકસ્માતમાં 9 લોકોની જિંદગી છિનવાઈ ગઈ છે. પોલીસ દ્વારા આરોપી તથ્ય પટેલ અને તેના પિતા પ્રજ્ઞેશ પટેલની ધરપકડ કરવામાં આવી છે. મોડી સાંજે અમદાવાદ પોલીસ તથ્ય પટેલ અને પ્રજ્ઞેશ પટેલને અકસ્માતની ઘટના સ્થળ પર લઈ પહોંચી હતી. જ્યાં ઘટનાનું રિકન્સ્ટ્રકશન કરાવ્યું હતું.

અમદાવાદ: ઇસ્કોન બ્રિજ પર મોડી રાત્રે ગમખ્વાર અકસ્માત સર્જાયો હતો. જેમાં ફુલ સ્પીડમાં આવતી જેગુઆરની ટક્કક મારતાં 9 લોકોનાં કમકમાટીભર્યાં મોત થયાં છે. પોલીસે અકસ્માત સર્જનાર આરોપી તથ્ય પટેલ અને તેના પિતા પ્રજ્ઞેશ પટેલની ધરપકડ કરવામાં આવી છે. જ્યારે 3 યુવતી સહિત 5ની અટકાયત કરી હતી. મોડી સાંજે અમદાવાદ પોલીસ દ્વારા ઘટનાનું રિકન્સ્ટ્રકશન કરવામાં આવ્યું હતું.

ઘટનાનું રિકન્સ્ટ્રકશન: આ અકસ્માતમાં એક કોન્સ્ટેબલ અને એક હોમગાર્ડ જવાનું મોત થયું છે. રાજપથ ક્લબ તરફ જતી કારે લોકોને અડફેટે લીધા હતા. આ અકસ્માતમાં લોકો 25 ફૂટ 30 ફૂટ દૂર ફંગોળાયા હતા. એસજી હાઇવે પર આરોપી તથ્ય પટેલ અને તેના પિતા પ્રજ્ઞેશ પટેલને સાથે રાખીને ઘટનાનું રિકન્સ્ટ્રક્શન કરવામાં આવ્યું હતું. ઘટના સ્થળ ઇસ્કોન બ્રિજ હોવાથી એક તરફનો રસ્તો બંધ કરવામાં આવ્યો હતો. પોલીસે FSLની ટીમ સાથે સમગ્ર ઘટનાનો ત્યાગ મેળવ્યો હતો.