અમદાવાદઃ સરદારનગરમાં 44 વર્ષીય વ્યક્તિ તેની બે બાળકી અને પત્ની સાથે રહે છે. આ વ્યક્તિને સમાજના લોકોએ કહ્યું કે, તેમની દિકરીનો વીડિયો સોશિયલ મીડિયામાં વાયરલ થયો છે, જેથી વ્યક્તિએ તેમની દિકરીને આ અંગે પૂછપરછ કરી હતી.
આ પૂછપરછ દરમિયાન દિકરીએ જણાવ્યું કે, આ વિદ્યાર્થી તેની સાથે સ્કૂલમાં ભણે છે. તેની સાથે સાથે મિત્રતા થઈ હતી, તે બાદ વિદ્યાર્થીએ સગીરા સાથે જબરજસ્તી શારીરિક સંબંધ બાંધ્યા હતા અને તેનો વીડિયો ઉતારી લીધો હતો. આ વીડિયોના આધારે વિદ્યાર્થીના મિત્રો પણ સગીરાનો પીછો કરતા અને શારીરિક સંબંધ બાંધવા દબાણ કરતા હતા. સગીરાએ આ વાતને ન માનતા મિત્રો ભેગા મળી તેને વીડિયો વાયરલ કરી દેવાની ધમકી આપતા હતા.
આ મામલે સગીરાના સમાજના લોકોએ વીડિયો વાયરલ હોવાની સગીરાના પરિવારને જાણ કરી હતી. જેથી સગીરાના પિતાએ સરદારનગર પોલીસ સ્ટેશનમાં 4 ઈસમો સામે ફરિયાદ નોંધાવી હતી. પોલીસે સમગ્ર મામલે બે અલગ અલગ ગુના નોંધી વધુ તપાસ હાથ ધરી છે.
