બેંગલુરુ: બેંગલુરુ પોલીસે ચિન્નાસ્વામી સ્ટેડિયમમાં રોયલ ચેલેન્જર્સ બેંગલુરુ અને ચેન્નાઈ સુપર કિંગ્સ વચ્ચે ઈન્ડિયન પ્રીમિયર લીગ (IPL) મેચની નકલી ટિકિટો કથિત રીતે વેચવાના આરોપમાં એક વ્યક્તિની અટકાયત કરી, પોલીસે શનિવારે જણાવ્યું હતું. મેચ દરમિયાન નકલી બાર કોડ બનાવવામાં આવ્યો હતો અને નકલી ટિકિટ આપવામાં આવી હતી. બેંગલુરુના ક્યુબન પાર્ક સ્ટેશન પોલીસે આ સંબંધમાં ચિન્નાસ્વામી સ્ટેડિયમમાં ફરજ પર રહેલા સ્ટાફ સહિત બે લોકો સામે કેસ નોંધ્યો છે અને એક વ્યક્તિની અટકાયત કરી છે.
નકલી IPL ટિકિટનું વેચાણ: બેંગલુરુમાં આયોજિત આઈપીએલ ટૂર્નામેન્ટ માટે ટિકિટ આપવાના પ્રભારી સુમંત દ્વારા દાખલ કરવામાં આવેલી ફરિયાદ પર આરોપી દર્શન અને સુલતાન વિરુદ્ધ કેસ નોંધવામાં આવ્યો છે. ચિન્નાસ્વામી સ્ટેડિયમમાં આઈપીએલ ટૂર્નામેન્ટ દરમિયાન દર્શન પાર્ટ ટાઈમ સ્ટાફ તરીકે કામ કરતો હતો. તેને અસ્થાયી ઓળખ કાર્ડ સાથે બાર કોડ આપવામાં આવ્યો હતો.
નકલી બાર કોડ બનાવી વેચાણ: RCB અને CSK વચ્ચે 17 એપ્રિલે મેચ રમાઈ હતી. આ મેચની ટિકિટની માંગ હતી. આનો દુરુપયોગ કરનાર દર્શને પોતાના આઈડી કાર્ડમાંથી બાર કોડ કાઢી નાખ્યો અને નકલી બાર કોડ બનાવ્યો. બાદમાં તે તેના મિત્રો દ્વારા 10 થી 15 હજાર રૂપિયામાં નકલી ટિકિટો વેચીને ગેરકાયદેસર રીતે પૈસા કમાવતો હતો, એમ પોલીસે જણાવ્યું હતું.
પોલીસ ફરિયાદ દાખલ: નિરીક્ષણ દરમિયાન એવું જાણવા મળ્યું હતું કે એક જ બાર કોડમાંથી QR કોડ જનરેટ કરવામાં આવ્યો હતો અને ગ્રાઉન્ડના 6ઠ્ઠા દરવાજા પાસે સ્કેન કરવામાં આવ્યો હતો. આ અંગે શંકા જતા ટિકિટ ઈન્ચાર્જ સુમંતને ટેકનિકલ ટીમને જાણ કરી હતી. તપાસ કરતાં જાણવા મળ્યું હતું કે દર્શન માટે આપેલા બારકોડમાંથી વધુ QR કોડ બનાવવામાં આવ્યા હતા. બાદમાં આરોપીની પૂછપરછ કરવામાં આવતા તેણે ગુનો કબુલ્યો હતો. પોલીસે ગુનો નોંધી આરોપી દર્શનને કસ્ટડીમાં લઈ પૂછપરછ હાથ ધરી છે.
ક્રિકેટ કીટ ચોરી: 10 દિવસ પહેલા દિલ્હી અને આરસીબી વચ્ચેની મેચ દરમિયાન એક અલગ કેસમાં દિલ્હી કેપિટલ ટીમની ક્રિકેટ કીટની ચોરી થઈ હતી. દિલ્હી ટીમના મેનેજમેન્ટે આ અંગે દિલ્હી પોલીસને ફરિયાદ કરી હતી.
આ પણ વાંચો Rajkot Crime : કિરણ પટેલ કેસ પાર્ટ ટુ, IAS અધિકારીના નામે છેતરપિંડી આચરનારો શખ્સ ઝડપાયો
ચોરીની આશંકા: કેસની તપાસ દરમિયાન ચિન્નાસ્વામી સ્ટેડિયમમાં જ ચોરીની આશંકા હતી. આથી દિલ્હી કેપિટલની ટીમે બેંગલુરુ પોલીસનો સંપર્ક કર્યો. બેંગલુરુના ક્યુબન પાર્ક પોલીસ સ્ટેશને તપાસ કરી અને દિલ્હી કેપિટલ્સ ટીમની ક્રિકેટ કીટની ચોરી કરનાર બે આરોપીઓની ધરપકડ કરી. પોલીસે જણાવ્યું કે, આરોપીઓ પાસેથી ચોરાયેલા 17 બેટ, ગ્લોવ્સ, હેલ્મેટ અને પેડ સહિતની ઘણી વસ્તુઓ મળી આવી છે. પોલીસે જણાવ્યું કે આરોપીઓએ સ્વીકાર્યું છે કે તેઓએ ક્રિકેટ રમવા માટે કીટની ચોરી કરી હતી.
