ધર્મશાલા: IPL 2023ની 66મી મેચ પંજાબ કિંગ્સ અને રાજસ્થાન રોયલ્સ વચ્ચે હિમાચલ પ્રદેશ ક્રિકેટ એસોસિએશન સ્ટેડિયમ ધર્મશાલા મેદાનમાં રમાઈ હતી. પંજાબ કિંગ્સ અને રાજસ્થાન રોયલ્સ કવોલીફાય થવા માટે જીતવા કમર કસી હતી. પંજાબ કિંગ્સે 20 ઓવરમાં 5 વિકેટના નુકસાને 187 રનનો સ્કોર કર્યો હતો. અને રાજસ્થાન રોયલ્સને જીત માટે 188 રનનો ટાર્ગેટ આપ્યો હતો. જો કે રાજસ્થાન રોયલ્સે 19.4 ઓવરમાં જ 189 રન બનાવી લીધા હતા. અને 4 વિકેટથી જીત હાંસલ કરી લીધી હતી. રાજસ્થાન રોયલ્સ પોઈન્ટ ટેબલમાં પાંચમાં ક્રમાંકે આવી ગયું હતું. જો કે પ્રિતિ ઝિન્ટાની ટીમ પંજાબ કિંગ્સ આઈપીએલ 2023ની સીઝનમાંથી બહાર ફેંકાઈ ગઈ હતી.
પંજાબ કિંગ્સની બેટિંગઃ પ્રભસિમરન 2 બોલમાં 2 રન, શિખર ધવન(કેપ્ટન) 12 બોલમાં 17 રન, અથર્વા ટેઈડ 12 બોલમાં 19 રન, લિવિગ્સ્ટન 13 બોલમાં 9 રન, જિતેશ શર્મા(વિકેટ કિપર) 28 બોલમાં 44 રન, સામ કુરન 31 બોલમાં 49 રન(નોટ આઉટ) અને શાહરૂખ ખાન 23 બોલમાં 41 રન(નોટઆઉટ) બનાવ્યા હતા. ટીમને 6 રન એકસ્ટ્રા મળ્યા હતા. આમ પંજાબે 20 ઓવરમાં 5 વિકેટના નુકસાને 187 રન બનાવ્યા હતા.
રાજસ્થાન રોયલ્સની બોલીંગઃ બોલ્ટ 4 ઓવરમાં 35 રન આપી 1 વિકેટ લીધી હતી. સનદીપ શર્મા 4ઓવરમાં 46 રન આપ્યા હતા. નવદીપ સૈઈની 4 ઓવરમાં 26 રન આપી 1 વિકેટ લીધી હતી. ચહલ 4ઓવરમાં 40 રન આપ્યા હતા.
રાજસ્થાન રોયલ્સની બેટિંગઃ યશસ્વી જયસ્વાલ 36 બોલમાં 8 ચોક્કા ફટકારીને 50 રન બનાવ્યા હતા. જોશ બટલર 4 બોલમાં શૂન્ય રને આઉટ થયા હતા. દેવદત્ત પડિક્કલ 30 બોલમાં 5 ચોક્કા ને 3 સિક્સ ફટકારીને 51 રન બનાવ્યા હતા. સંજુ સેમસન(કેપ્ટન અને વિકેટ કિપર) 3 બોલમાં 2 રન બનાવ્યા હતા. રિયાન પરાગ 12 બોલમાં 20 રન બનાવ્યા હતા. શિમરન હેટમાયર 28 બોલમાં 4 ચોક્કા ને 3 સિક્સ ફટકારીને 46 રન બનાવ્યા હતા. ધ્રુવ જુરેલ 4 બોલમાં 10 રન અને ટ્રેન્ડ બોલ્ટ 2 બોલમાં 1 રન બનાવ્યો હતો. ટીમને 9 રન એકસ્ટ્રા મળ્યા હતા. આમ રાજસ્થાન રોયલ્સે 19.4 ઓવરમાં 6 વિકેટ ગુમાવીને 189 રન બનાવી લીધા હતા. અને ટીમ 4 વિકેટથી જીતી ગઈ હતી.
પંજાબ કિંગ્સની બોલીંગઃ સામ કુરન 4 ઓવરમાં 46 રન આપી 1 વિકેટ લીધી હતી. કગિસો રબાડા 4 ઓવરમાં 40 રન આપી 2 વિકેટ લીધી હતી. અર્શદીપ સિંહ 4 ઓવરમાં 40 રન આપી 1 વિકેટ લીધી હતી. નાથન એલિસ 4 ઓવરમાં 34 રન આપી 1 વિકેટ ઝડપી હતી. રાહુલ ચાહર 3.4 ઓવરમાં 28 રન આપી 1 વિકેટ લીધી હતી.
પોઈન્ટ્સ ટેબલ (IPL 2023 Points Table) ગુજરાત ટાઈટન્સ 18 પોઈન્ટ સાથે પ્રથમ નંબરે રહ્યું હતું. બીજા નંબરે ચેન્નાઈ સુપર કિંગ્સના 15 પોઈન્ટ, ત્રીજા નંબરે લખનઉ સુપર જાયન્ટ્સના 15 પોઈન્ટ, ચોથા નંબરે રોયલ ચેલેન્જર્સ બેંગ્લુરુના 14 પોઈન્ટ અને પાંચમાં નંબરે રાજસ્થાન રોયલ્સના 14 પોઈન્ટ હતા. મુંબઈ ઈન્ડિયન્સના 14 પોઈન્ટ, કોલકત્તા નાઈટ રાઈડર્સના 12 પોઈન્ટ, પંજાબ કિંગ્સના 12 પોઈન્ટ(ઈ), દિલ્હી કેપિટલ્સના 10 પોઈન્ટ(ઈ) અને સનરાઈઝર્સ હૈદરાબાદના 8 પોઈન્ટ(ઈ) હતા.
કુલ 3 ટીમ સીઝનમાંથી બહારઃ IPL 2023 ની વર્તમાન સીઝનમાંથી પંજાબ કિંગ્સ, દિલ્હી કેપિટલ્સ અને સનરાઈઝર્સ હૈદરાબાદ બહાર ફેંકાઈ ગયા છે. આ ત્રણેય ટીમ સત્તાવાર રીતે એલિમનેટ થઈ ગઈ છે.
પંજાબ કિંગ્સે આપ્યો 187 રનનો લક્ષ્યાંક: ધર્મશાલા મેદાનમાં રાજસ્થાન રોયલ્સે ટોસ જીતીને ફિલ્ડીંગ પસંદ કરી હતી. ટોસ હાર્યા બાદ પ્રથમ બેટિંગ કરતા પંજાબ કિંગ્સે 5 વિકેટના નુકસાને 187 રન બનાવ્યા હતા. પ્રથમ બેટિંગ કરતા જીતેશ શર્માએ 44 રનની ઇનિંગ રમી હતી. પંજાબ કિંગ્સ તરફથી સેમ કરન 49 રન અને શાહરૂખ ખાન 41 રન બનાવીને નોટઆઉટ રહ્યા હતા. છેલ્લી ઓવરમાં માત્ર આ બંનેની તોફાની બેટિંગના આધારે પંજાબ કિંગ્સ 187 રનનો જંગી સ્કોર બનાવી શકી હતી. રાજસ્થાન તરફથી નવદીપ સૈનીએ 3 વિકેટ ઝડપી હતી.
બન્ને ટીમની પ્લેઇંગ-11
પંજાબ કિંગ્સ (PBKS): શિખર ધવન(કેપ્ટન), પ્રભસિમરન સિંહ, અથર્વ તાયડે, લિયામ લિવિંગસ્ટન, સેમ કરન, જીતેશ શર્મા(વિકેટકીપર), શાહરૂખ ખાન, હરપ્રીત બ્રાર, રાહુલ ચાહર, કાગીસો રબાડા અને અર્શદીપ સિંહ.
ઇમ્પેક્ટ પ્લેયર્સ: નાથન એલિસ, સિકંદર રઝા, મેથ્યુ શોર્ટ, રિષિ ધવન અને મોહિત રાઠી.
રાજસ્થાન રોયલ્સ (RR): સંજુ સેમસન (કેપ્ટન અને વિકેટકીપર), યશસ્વી જયસ્વાલ, જોસ બટલર, દેવદત્ત પડ્ડિકલ, શિમરોન હેટમાયર, રિયાન પરાગ, એડમ ઝામ્પા, ટ્રેન્ટ બોલ્ટ, નવદીપ સૈની, સંદીપ શર્મા અને યુઝવેન્દ્ર ચહલ.
ઇમ્પેક્ટ પ્લેયર્સ: કુલદીપ સેન, ડોનોવન ફરેરા, ધ્રુવ જુરેલ, આકાશ વશિષ્ઠ, મુરુગન અશ્વિન.
વિવાદાસ્પદ નિર્ણયો તેમજ વધુ પડતા પ્રયોગો બંને ટીમોને મોંઘા પડ્યા: આ સિઝનમાં કેટલીક ભૂલોને કારણે બંને ટીમોની હાલત ખરાબ રહી હતી. નહિંતર, બંને ટીમોએ આ સિઝનની શરૂઆત ખૂબ જ સારી કરી હતી. કેટલાક ખેલાડીઓની ઇજાઓ અને કેટલાક વિવાદાસ્પદ નિર્ણયો તેમજ વધુ પડતા પ્રયોગો બંને ટીમોને મોંઘા પડ્યા. ઉદાહરણ તરીકે, પંજાબ કિંગ્સના લેફ્ટ-આર્મ સ્પિનર હરપ્રીત બ્રારનો ધર્મશાલામાં રિલે રૂસો સામેનો પ્રયોગ બુધવારે નિષ્ફળ ગયો. ડાબા હાથના બેટ્સમેન સામે 16મી, 18મી અને 20મી ઓવરમાં તેણે સ્પિન-ફ્રેન્ડલી પીચ પર ત્રણ ઓવરમાં 39 રન બનાવ્યા. જ્યારે ટીમમાં અર્શદીપ સિંહ જેવા ખેલાડીનો વિકલ્પ હતો. આ મેચમાં, જીતેશ શર્મા, સેમ કરણ અને શાહરૂખ ખાનના ચક્કરમાં અથર્વ તાયડેને રિટાયર કરવાનો દાવ પણ ઉલટો પડ્યો હતો.
રાજસ્થાન રોયલ્સનું પ્લે ઓફમાં સ્થાન મેળવવું મુશ્કેલ: રાજસ્થાન રોયલ્સની વાત કરીએ તો તેમને સિઝનના પહેલા ભાગમાં જેસન હોલ્ડરની બેટિંગનો ઉપયોગ કરવાની જરૂર જણાઈ ન હતી. તેવી જ રીતે, ફિટ ઓબેડ મેકકોયનો સનરાઇઝર્સ હૈદરાબાદ સામે ઉપયોગ કરવામાં આવ્યો ન હતો. ઈમ્પેક્ટ પ્લેયર તરીકે સમાવિષ્ટ ખેલાડીને માત્ર એક જ ઓવર નાખવી એ કેટલી હદે વાજબી ગણાશે? આ પછી, તેના હોમ ગ્રાઉન્ડ, જયપુરમાં રોયલ ચેલેન્જર્સ બેંગલોરના હાથે 112 રને હારના કારણે હવે પ્લે ઓફમાં સ્થાન મેળવવું મુશ્કેલ છે.
પંજાબ કિંગ્સ પર રાજસ્થાન રોયલ્સનું પલડું ભારે: પંજાબ કિંગ્સ અને રાજસ્થાન રોયલ્સ વચ્ચે અત્યાર સુધીમાં 25 મેચ રમાઈ છે, જેમાં રાજસ્થાન રોયલ્સનો પંજાબ કિંગ્સ પર વિજય થયો છે. આ દરમિયાન પંજાબ કિંગ્સે 11 મેચ જીતી છે જ્યારે રાજસ્થાન રોયલ્સે 14 મેચ જીતી છે. સાંજે ધર્મશાલાની પીચ પર ઝાકળ દેખાય છે, ટૂંકી બાઉન્ડ્રી અને ઝાકળની હકીકતને ધ્યાનમાં રાખીને, ટીમો ઘણીવાર લક્ષ્યનો પીછો કરવા માંગે છે. ધર્મશાલામાં આજની મેચ દરમિયાન હવામાન સ્વચ્છ રહેવાની શક્યતા છે.
આ પણ વાંચો:
