મુંબઇ: બોલિવૂડ અભિનેતા સુશાંતસિંહ રાજપૂત આત્મહત્યા કેસમાં સીબીઆઇ તપાસની માગ વધી રહી છે. અભિનેતાના પ્રશંસકોથી લઇને અનેક રાજનેતાઓેએ માગ કરી છે કે, સુશાંત આત્મહત્યા કેસમાં CBI તપાસ કરવામાં આવે.
આ દરમિયાન સુશાંતના પિતા કે.કે સિંહના નામે એક ટ્વિટર એકાઉન્ટ પોસ્ટ સોશિયલ મીડિયા પર વાયરલ થઇ રહી છે. જેમાં સુશાંત સિંહ આત્મહત્યા કેસમાં સીબીઆઈ તપાસ અને સુપ્રીમ કોર્ટમાં અરજી કરવાની વાત કહેવામાં આવી છે.
જોકે, હવે જાણવા મળ્યું છે કે, સુશાંતના પિતા કે. કે. સિંહનું ટ્વિટર પર એકાઉન્ટ નથી. આ એક નકલી એકાઉન્ટ છે. રિપોર્ટ અનુસાર પરિવારે સોશિયલ મીડિયા પર કોઇ પણ પોસ્ટ શેર કરી નથી.
