પ્રભાસનું પુરૂ નામ વેંકટેશ સત્યનારાયણ પ્રભાસ રાજુ ઉપ્પલપત્તિ છે. આ વર્ષે એટલે કે 23 ઓક્ટોબર 2019ના રોજ પ્રભાસ પોતાનો 40મો જન્મદિવસ ઉજવશે. 22 વર્ષની વયે પ્રભાસે પહેલી ફિલ્મ કરી હતી. પહેલીવાર પ્રભાસે 2002માં એક્શન ડ્રામાથી ભરપુર સાઉથ ફિલ્મ 'ઈશ્વર'થી કારકિર્દીની શરૂઆત કરી હતી.
પ્રભાસના માતા નહોતા ઈચ્છતા કે તે હીરો બને, અને પ્રભાસ પણ એક હોટલ બનાવવા માગતા હતા. તેમના માતા ઈચ્છતા હતા કે પ્રભાસ બિઝનેસ કરી સેટ થઈ લગ્ન કરી લે અને શાંતિથી જીવન પસાર કરે. જો કે હાલ પ્રભાસની આંતરરાષ્ટ્રીય સ્તરે નામના છે અને તે એક સુપરસ્ટાર બની ગયા છે.
પ્રભાસે તેલુગુ ફિલ્મ 'ઈશ્વર'થી ફિલ્મી કેરિયરની શરૂઆત કરી હતી. તે પછી તે 'રાઘવેન્દ્ર', 'વર્શમ', 'યોગી', 'એક નિરંજન', 'બળવાખોર', 'બાહુબલી: ધ બિગિનિંગ' અને બાહુબલી: ધ કન્ક્લુઝન જેવી ફિલ્મોમાં દેખાયા હતા. પ્રભાસે સાહો સહિત અત્યાર સુધીમાં 19 ફિલ્મોમાં કામ કર્યું છે.
પ્રભાસને એક સમયે ફક્ત એક જ ફિલ્મ કરવાનું પસંદ છે. સૌથી મહત્વની વાત એ છે કે અધધ કમાણી કરનાર ફિલ્મ બાહુબલીનું શૂટિંગ ખુબ જ લાંબા સમય સુધી ચાલ્યુ હતું. આ ફિલ્મના શૂટિંગ દરમિયાન પ્રભાસને ઘણી મોટી ફિલ્મોની ઓફર્સ પણ મળી હતી. પરંતુ તેણે તમામ ફિલ્મોને ના પાડી દીધી હતી.
'બાહુબલી' ફિલ્મે દક્ષિણના સુપરસ્ટાર પ્રભાસને રાતોરાત આંતરરાષ્ટ્રીય સ્ટાર બનાવ્યો હતો. પ્રભાસ હવે માત્ર સાઉથની ફિલ્મો સુધી મર્યાદિત રહ્યો નથી. પ્રભાસે તેના જોરદાર અભિનયથી આખી દુનિયાને પાતાના દિવાના બનાવી દીધા છે.
હિન્દુસ્તાનની લાખો છોકરીઓ પ્રભાસ પર ફિદા છે. લાખો છોકરીઓના ક્રશ બનેલા પ્રભાસના જન્મદિવસ પર તેના ફેન્સ પણ એટલા જ ઉત્સુક હોય છે જાણે કે તેમનો બર્થડે હોય. કહેવાય છે કે પ્રભાસને અત્યારસુધીમાં આશરે 5000 જેટલા પ્રપોજલ લગ્ન માટે મળ્યા છે.
"બાહુબલી"ની સફળતા બાદ ફિલ્મની લીડ એકટ્રેસ અનુષ્કા શેટ્ટી સાથે પ્રભાસનું અફેર હોવાની ખબરે ચર્ચામાં આવી હતી. દરેકના મગજમાં એક જ સવાલ હતો કે શું અનુષ્કા અને પ્રભાસ ખરેખર એક બીજાને ડેટ કરે છે? જો કે બંનેમાંથી હજુ સુધી તેમના સંબંધો પર કંઇ બોલ્યા નથી. બંને એક બીજાને 10 વર્ષથી ઓળખે છે અને સારા મિત્રો છે
