દિગ્ગજ અભિનેત્રી કિશોરી બલાલે આજે બેંગ્લુરૂની એક ખાનગી હોસ્પિટલમાં અંતિમ શ્વાસ લીધા છે. અભિનેત્રીને ઉમંરને કારણે કેટલીક બીમારીથી પીડિત હતી. દિગ્ગજ અભિનેત્રીએ 1960માં સૈંડલવુડની શરૂઆતમાં ફિલ્મ "ઇવલેટા હેથી"થી શરૂઆત કરી હતી.
દિગ્ગજ અભિનેત્રીએ બોલિવૂડની ફિલ્મ 'સ્વદેશ' માં શાહરૂખ ખાનની માતા કાવેરી અમ્માની ભૂમિકા નિભાવી હતી. જે તેમની કારકિર્દીની શ્રેષ્ઠ ફિલ્મોમાંની એક ફિલ્મ માનવામાં આવે છે. કિશોરી બલાલે ઘણી ભાષાઓની ફિલ્મોમાં અભિનય કર્યો હતો. સ્વદેશ સિવાય તેણે અય્યા અને લફંગે પરિંદેમાં પણ કામ કર્યું હતું.
સ્વદેશ ફિલ્મના ડાયરેક્ટર આશુતોષ ગોવારીકરે ટ્વીટ કરીને દુ:ખ વ્યક્ત કર્યું છે. તેમણે લખ્યું કે, કિશોરી બલાલજીના અવસાનના સમાચારથી મને ખૂબ જ દુ:ખ થયું છે. કિશોરી જીનો ઉમદા અને પ્રેમાળ સ્વભાવ હંમેશા યાદ આનશે. સ્વદેશમાં કાવેરી અમ્મા વાળી પર્ફોમન્સ હમેશા યાદ રહેશે. તમે બહુ જ યાદ આવશો.
