ન્યૂઝ ડેસ્ક : ટેલિકોમ પ્રધાન અશ્વિની વૈષ્ણવે બુધવારે લોકસભામાં જણાવ્યું હતું કે, BSNL સમગ્ર દેશમાં લગભગ 1.12 લાખ ટાવર સ્થાપિત કરવાની યોજના સાથે સ્વદેશી 4G ટેલિકોમ નેટવર્ક ટૂંક સમયમાં સમગ્ર ભારતમાં શરૂ કરવામાં આવશે. આ સેવાનો લાભ અંદાજીત આગામી ઓગસ્ટ મહિનાથી લઈ શકાશે.
આ પણ વાંચો : વોટ્સએપે ફેબ્રુઆરીમાં 14 લાખ ભારતીય એકાઉન્ટ પર પ્રતિબંધ મૂક્યો
5G નેટવર્ક શરૂ કરવામાં આવશે : મંત્રીએ એમ પણ કહ્યું કે, ટ્રેનની અંદર ઈન્ટરનેટ કનેક્શન ત્યારે જ ઉપલબ્ધ થઈ શકે છે, જ્યારે 5G નેટવર્ક શરૂ કરવામાં આવશે કારણ કે 100 કિમી પ્રતિ કલાકની ઝડપે દોડતી ટ્રેનોમાં 4G ટેક્નોલોજી સાથે સંચાર વિક્ષેપિત થાય છે.
આ પણ વાંચો : હવે ટ્વિટર ટાઈમલાઈન પર રેકોર્ડિંગ સ્પેસની ક્લિપ્સ શેર કરવાની આપશે મંજૂરી
સંપૂર્ણ ટેલિકોમ સાથે રેડિયો નેટવર્ક : “મને તમને જણાવતા આનંદ થાય છે કે 4G ટેલિકોમ નેટવર્ક ટૂંક સમયમાં જ બહાર આવવા માટે તૈયાર છે અને તે ભારતમાં ભારતીય એન્જિનિયરો અને વૈજ્ઞાનિકો દ્વારા વિકસાવવામાં આવ્યું છે. અમારા 4G નેટવર્કના વિકાસની વિશ્વભરમાં પ્રશંસા કરવામાં આવી રહી છે અને તેમાં કોર નેટવર્ક, સંપૂર્ણ ટેલિકોમ સાથે રેડિયો નેટવર્ક છે..
