- ઝેનફોન સીરિઝના બે ફોનના લોન્ચિંગ પાછા ઠેલાયા
- કંપનીએ ભારતની સ્થિતિ અંગે જાહેર કરી ચિંતા
- સ્થિતિ સારી થતાં ફરી જાહેર થશે તારીખ
દિલ્હી: તાઇવાનની બ્રાંડ આસૂસએ જણાવ્યું છે કે કોવિડના વધતા કેસને ધ્યાનમાં રાખીને ભારતમાં ઝેનફોન 8 સીરિઝના સ્માર્ટફોનનું લોન્ચ અટકાવી દેવામાં આવ્યું છે કંપનીએ આ સંકટનના સમયમાં રાષ્ટ્ર સાથે ઉભા રહેવાનો છે. જણાવ્યું છે કે સ્માર્ટફોન આ મહિને લોન્ચ કરવાનો હતો પણ દેશની સ્થિતિમાં સુધારો નહીં આવે ત્યાં સુધી આ લોન્ચિંગ કાર્યક્રમ ટાળવામાં આવ્યો છે.
વધુ વાંચો: 6 એપ્રિલે ઓપ્પો એફ 19 લોન્ચ થશે, જાણો ફીચર્સ
કપરા કાળમાં પ્રાથમિકતા લોકોની સુરક્ષા
આસૂસ ઇન્ડિયા કમર્શિયલ પીસી એન્ડ સ્માર્ટફોન, સિસ્ટમ બિઝનેસ ગ્રુપના બિઝનેસ હેડ દિનેશ શર્માએ જણાવ્યું હતું કે આ કપરાકાળમાં આસૂસ ઇન્ડિયાની સર્વોચ્ચ પ્રાથમિકતા તેના ગ્રાહકો, ભાગીદાર, કર્મચારીઓ અને હિતધારકોની સુરક્ષા છે. શર્માએ એવું પણ જણાવ્યું હતું કે એટલા માટે જ્યાં સુધી વર્તમાન સ્થિતિમાં સુધારો નહીં આવે ત્યાં સુધી અમે લોન્ચિંગ ટાળી દીધું છે. સ્થિતિ સુધરતા નવી તારીખ જાહેર કરવામાં આવશે. આસૂસ ઝેનફોન 8 સીરીઝના બે ફોન આસૂસ ઝેનફોન 8 અને આસૂસ જેનફોન 8 ફ્લિપ લોન્ચ થવાની શક્યતા છે.
