જામનગરમાં ગુનાખોરી દિનબદિન વધી રહી છે. ગઈ કાલે સાંજે એક યુવક ઉપર ચારથી પાંચ લોકોએ ચપ્પા વડે હુમલો કર્યો હતો. જામનગરના કિસાન ચોકમાં રહેતો દર્શીત અશોકભાઈ નંદા ઉપર અચાનક હુમલો થતાં તે ઘટનાસ્થળે જ ઘાયલ થયો હતો. આ દરમિયાન તેને ચારથી પાંચ છરીના ઘા વાગ્યા હતા.
વધુમાં પ્રાપ્ત થતી વિગતો અનુસાર ઈજાગ્રસ્ત દર્શીલની અંબર ચોકડી, બાવડીવાસ નજીક બોલાચાલી થઈ હતી. પીવીસીની પાઈપ લઈ પસાર થતકી વેળાએ પાસેથી પસાર થતા વ્યક્તિને તે સામાન્ય અડી ગઈ હતી. જે બાબતે બોલાચાલી બાદ મોટુ સ્વરુપ ધારણ કરી લીધુ હતુ અને યુવાનોએ દર્શીત પર છરીથી હુમલો કર્યો હતો. બાદમાં ઘાયલ થયેલા દર્શીતને નજીકની જી જી હોસ્પિટલ ખાતે ખસેડવામાં આવ્યો હતો. જ્યાં તેની પ્રાથમિક સારવાર ચાલી રહી છે.
