Vladimir Putin: પુતિને 'મેક ઇન ઇન્ડિયા'ના વખાણ કર્યા, કહ્યું આ પ્રયાસથી ભારતીય અર્થવ્યવસ્થામાં સુધારો થયો

રશિયાના રાષ્ટ્રપતિ વ્લાદિમીર પુતિન અને વડાપ્રધાન નરેન્દ્ર મોદી વચ્ચેની મિત્રતા જાણીતી છે. વ્લાદિમીર પુતિને મોસ્કોમાં એક કાર્યક્રમમાં પીએમ મોદી અને 'મેક ઇન ઇન્ડિયા'ના વખાણ કર્યા છે. તેમણે કહ્યું કે 'મેક ઈન ઈન્ડિયા'ના કન્સેપ્ટની ભારતીય અર્થવ્યવસ્થા પર ખૂબ જ દેખીતી અસર થઈ છે. અવાર-નવાર મોદી વિદેશી નેતાઓને લઇને ચર્ચામાં આવે છે. પ્રધાનમંત્રીએ વિદેશી નેતાઓના પણ મન મોહી લીધા છે.

મોસ્કો: રશિયાના રાષ્ટ્રપતિ વ્લાદિમીર પુતિને કહ્યું છે કે વડાપ્રધાન નરેન્દ્ર મોદીના 'મેક ઇન ઈન્ડિયા'ના કોન્સેપ્ટની ભારતીય અર્થવ્યવસ્થા પર 'સ્પષ્ટ અસર' પડી છે. આ જાણકારી ન્યૂઝ એજન્સી RT દ્વારા આપવામાં આવી છે. તમને જણાવી દઈએ કે, RT એ રશિયન રાજ્ય દ્વારા નિયંત્રિત આંતરરાષ્ટ્રીય સમાચાર ટેલિવિઝન નેટવર્ક છે. મોસ્કોમાં એક કાર્યક્રમમાં બોલતા પુતિને કહ્યું કે ભારતના આપણા મિત્ર અને રશિયાના મહાન મિત્ર વડાપ્રધાન નરેન્દ્ર મોદીએ થોડા વર્ષો પહેલા 'મેક ઇન ઈન્ડિયા'નો ખ્યાલ રજૂ કર્યો હતો. તેની ભારતીય અર્થવ્યવસ્થા પર ખૂબ જ દેખીતી અસર પડી હતી.

ભારતનું ઉદાહરણ: RT અનુસાર, રશિયન રાષ્ટ્રપતિએ રશિયામાં સ્થાનિક ઉત્પાદનો અને બ્રાન્ડ્સને પ્રોત્સાહિત કરવા માટે ભારતનું ઉદાહરણ આપ્યું છે. તાજેતરમાં નવી દિલ્હીમાં રશિયાના રાજદૂત ડેનિસ અલીપોવે કહ્યું હતું' કે વિશેષ રશિયા-ભારત વ્યૂહાત્મક ભાગીદારીએ મજબૂતી દર્શાવી છે. તે હંમેશની જેમ વધુ મજબૂત બની રહી છે. રશિયા વિશે રોજેરોજ અને વૈશ્વિક સ્તરે જૂઠ બોલવામાં આવે છે. રશિયા-ભારત સંબંધોમાં ખલેલ પહોંચાડવાના પ્રયાસો થઈ રહ્યા છે. રાજદૂત અલીપોવે રશિયન ફેડરેશનના રાષ્ટ્રીય દિવસને સમર્પિત રાષ્ટ્રીય રાજધાનીમાં રાજ્ય સ્વાગત દરમિયાન જણાવ્યું હતું.

24 કલાકમાં મામલો થાળે: વિશેષ રશિયા-ભારત વ્યૂહાત્મક ભાગીદારી'ની પ્રશંસા કરતા રાજદૂત અલીપોવે કહ્યું કે જો કે અનિવાર્ય સત્ય એ છે કે વિશેષ રશિયા-ભારત વ્યૂહાત્મક ભાગીદારીએ તાકાત દર્શાવી છે અને તે પહેલા કરતા વધુ મજબૂત બની રહી છે. રશિયાને છેલ્લા કેટલાક દિવસોમાં પોતાની જ સેનાના વિદ્રોહનો સામનો કરવો પડ્યો હતો. નાટો દેશોને ખુલ્લો પડકાર ફેંકનાર રશિયન પ્રમુખ વ્લાદિમીર પુતિનને પોતાના ઘરમાં જ ખરા જોખમનો સામનો કરવો પડ્યો. વેગનરની ભાડૂતી દળ, રશિયાની ખાનગી સેનાએ બળવો કર્યો. જોકે, પુતિને 24 કલાકમાં મામલો થાળે પાડ્યો હતો.

પુતિન સાથે કરાર: વેગનર ગ્રૂપના વડા પ્રિગોઝિને કેટલીક શરતો પર પુતિન સાથે કરાર કર્યો હતો. જો કે, બેલારુસના રાષ્ટ્રપતિ એલેક્ઝાંડર લુકાશેન્કોએ આ કરાર માટે મધ્યસ્થી કરી હતી. લુકાશેન્કો દ્વારા કરવામાં આવેલા કરાર હેઠળ, પ્રિગોઝિન રશિયા છોડીને પડોશી બેલારુસ જવા માટે સંમત થયા. પુટિને પ્રિગોઝિનને બેલારુસ જવા કહ્યું, જેના બદલામાં તે વેગનર ચીફ સામે બળવોનો કેસ પાછો ખેંચી લેશે. મોદીના અનેક એવા કિસ્સા છે જેમાં તેમની ચર્ચા ભારતની સાથે વિદેશમાં પણ થાય છે. વિદેશના સંબધોમાં પણ મોદીએ મિત્રતાથી બાંધી દીધા છે.