ન્યૂ સાઉથ વેલ્સ રાજ્યમાં એક અઠવાડિયા માટે ઇમરજન્સી લાગુ કરી દીધી છે. જેને કારણે ગ્રામીણ ફાયર સર્વિસને કોઈપણ સંસાધનોનો અને અન્ય સરકારી એજન્સીઓને નિયંત્રણમાં રાખવા માટેનો આદેશ આપવામાં આવ્યો છે.
ભીષણ આગને કારણે ત્રણ લોકોના મોત થઈ ચૂક્યા છે અને અંદાજે 150 ઘર બળીને રાખ થઈ ગયા છે. આગને કારણે રાજ્યમાં લગભગ 600થી વધુ શાળા અને કોલેજો બંધ કરવામાં આવી છે.
દક્ષિણ ગોળાર્ધના આ દેશમાં ગરમીનો પારો સતત વધી રહ્યો છે. અહીં લગભગ 8.50 લાખ હેક્ટર જમીન આગને કારણે નાશ પામી છે. આટલું જ નહીં સિડનીને પર પણ આગનો ખતરો છે. એવું પણ કહેવામાં આવી રહ્યું છે કે, અત્યારની પરિસ્થિતિ 10 વર્ષના ઇતિહાસની સૌથી ભયાનક છે.
