વોશિંગ્ટન: કોરોનાની વૈશ્વિક બિમારી સામે લડવા યુએસ અને ચીન વચ્ચે પહેલેથી તણાવ ચાલી રહ્યો છે, ત્યારે યુએસ સંસદે ચીનમાં રહેલા લઘુમતીઓ પર થતા અત્યાચાર સામે કટક કાર્યવાહી માટે કરવા મતદાન કર્યું છે.
બુધવારે યુએસ સંસદમાં દ્વિપક્ષીય વિધેયક પસાર કરવામાં આવ્યું હતું, જે અંતર્ગત પશ્ચિમી ઝિંજિઆંગ ક્ષેત્રમાં ઉયગર અને અન્ય લધુમતિ જૂથો પર નજર રાખવા પર ચીની અધિકારીઓ પર પ્રતિબંધ મૂક્યો હોવાનું કહેવાય છે. આ ખરડો સેનેટમાં પહેલાથી જ પસાર થઈ ચૂક્યો છે અને હવે કાયદામાં રૂપાંતરિત કરવા માટે યુએસ પ્રમુખ ડોનાલ્ડ ટ્રમ્પની સહીની જરૂર છે.
ટ્રમ્પે આ અઠવાડિયે કહ્યું હતું કે, આ બિલને ખૂબ ગંભીરતાથી ધ્યાનમાં લેશે. રિપબ્લિકન અને ડેમોક્રેટ્સ બંનેના સભ્યોએ બિલના સમર્થનમાં મત આપ્યો હતો અને એક વિરુદ્ધ મત સાથે 411 મતોથી પસાર થયો હતો. કોરોના વાઇરસ સાથે કામ કરવાની અને હોંગકોંગમાં નાગરિક અધિકાર પર પ્રતિબંધ લગાવવાની ચિની યોજનાઓ સામે યુએસ અને ચીન વચ્ચે પહેલેથી જ તણાવ છે.
ગૃહના અધ્યક્ષ નેન્સી પેલોસીએ સંસદમાં બિલના સમર્થનમાં કહ્યું હતું કે, બેજિંગની ઉયગર પ્રજાતિ વિરુદ્ધ બર્બર પગલાં વિશ્વના અંતરાત્માને હચમચાવી નાખશે. જેથી આવા કાયદાની જરૂર છે.
