હૈદરાબાદઃ ફિલ્મ 'RRR' આ દિવસોમાં ચર્ચામાં છે. તાજેતરમાં ફિલ્મના સંગીત નિર્દેશક એમએમ કીરાવાણીને 'RRR'ના ગીત 'નાટુ-નાટુ' માટે ગોલ્ડન ગ્લોબ એવોર્ડ આપવામાં આવ્યો હતો. આ સન્માન બાદ કીરાવાણીને વધુ એક પ્રતિષ્ઠિત એવોર્ડ મળ્યો છે. અમેરિકામાં 'નાટુ-નાટુ' ગીત માટે એમએમ કીરવાણીને લોસ એન્જલસ ફિલ્મ ક્રિટિક્સ એસોસિએશન (LAFCA) દ્વારા શ્રેષ્ઠ સંગીત કોરનો એવોર્ડ એનાયત કરવામાં આવ્યો છે. ફિલ્મ 'RRR'ની ટીમે આ સોનેરી ક્ષણને તેમના ફેન્સ સાથે સોશિયલ મીડિયા દ્વારા શેર કરી હતી.
- " class="align-text-top noRightClick twitterSection" data="
">
આ પણ વાંચો: મકરસંક્રાંતિ: અમિતાભથી લઈને કેટરિના સુધી સેલિબ્રિટીઓએ ચાહકોને આપ્યા અભિનંદન
નાટુ નાટુ બેસ્ટ મ્યુઝિક કોર એવોર્ડ: ફિલ્મ 'RRR'ની ટીમે તેમના ઓફિશિયલ ઈન્સ્ટાગ્રામ એકાઉન્ટ પરથી એક તસવીર અને વિડિયો શેર કર્યો છે અને લખ્યું છે કે, 'અમારા મ્યુઝિક ડાયરેક્ટર એમએમ કીરાવાણીને એન્જલસ ફિલ્મ ક્રિટિક્સ એસોસિએશન (LAFCA) દ્વારા ફિલ્મ 'RRR' માટે શ્રેષ્ઠ સંગીત/સ્કોરનો પુરસ્કાર આપવામાં આવ્યો છે. એવોર્ડ જીતવા બદલ અભિનંદન. મ્યુઝિક ડાયરેક્ટર કીરવાણી આ એવોર્ડ બાદ ખૂબ જ ખુશ દેખાઈ રહ્યા હતા. તેમણે ફિલ્મ 'RRR'ના નિર્દેશક એસએસ રાજામૌલીનો તેમના પર વિશ્વાસ કરવા બદલ આભાર માન્યો હતો. ફિલ્મ 'RRR'ને વધુ એક એવોર્ડ મળ્યા બાદ લોકોની પ્રતિક્રિયાઓ પણ આવવા લાગી છે.
યુઝર્સની પ્રતિક્રિયાઓ: આ પોસ્ટ પર કોમેન્ટ કરતાં એક યુઝરે લખ્યું છે, 'વાહ, બીજું મોટું ઇનામ. હવે રાહ સૌથી મોટા એકેડમી એવોર્ડની છે. આશા છે કે 'RRR' ટીમ તેને ઘરે પણ લાવશે. અન્ય એક યુઝરે લખ્યું છે, 'ઓસ્કર ઓન ધ વે'. અન્ય વપરાશકર્તાઓ ફિલ્મની સફળતા માટે સંગીતકાર સહિત સમગ્ર ટીમને અભિનંદન આપી રહ્યા છે.
સ્વાતંત્ર્ય સેનાનીઓની સ્ટોરી: ફિલ્મ 'RRR' 2 તેલુગુ સ્વાતંત્ર્ય સેનાની અલ્લુરી સીતારામ રાજુ અને કોમારામ ભીમના જીવન પર આધારિત કાલ્પનિક સ્ટોરી છે. રામ ચરણ અને જુનિયર એનટીઆર ફિલ્મ 'RRR'માં મુખ્ય ભૂમિકામાં છે. આ સિવાય આલિયા ભટ્ટ, અજય દેવગન અને શ્રિયા સરને પણ ફિલ્મમાં કામ કર્યું હતું. આ ફિલ્મે દેશમાં જ નહીં વિદેશમાં પણ સારો બિઝનેસ કર્યો છે. માહિતી અનુસાર ફિલ્મ 'RRR'એ વિશ્વભરમાં 1,200 કરોડ રૂપિયાથી વધુની કમાણી કરી હતી.
