મુંબઈઃ ફેમસ કોમેડી નાઈટ્સ વિથ કપિલ શર્મામાં કામ કરી ચૂકેલા એક્ટર અને કોમેડિયન સુનીલ ગ્રોવર 'ગુત્થી'ના રોલ માટે જાણીતા છે. તેણે કપિલ શર્મા સાથે સપ્ટેમ્બર 2018માં અણબનાવ બાદ શો છોડી દીધો હતો. ત્યારથી બંને અલગ થઈ ગયા હતા. પરંતુ ફરી એકવાર બંને ચર્ચામાં છે. આ દરમિયાન એક ઈન્ટરવ્યુમાં સુનીલ ગ્રોવરે કપિલ શર્માના શોમાં પરત ફરવાના સવાલ પર પોતાનું મૌન તોડ્યું હતું.
આ પણ વાંચો: Sidhu Moosewala song: સિદ્ધુ મુસેવાલાનું નવું ગીત 'મેરા ના' રિલીઝ, મિનિટોમાં મિલિયન વ્યુઝ મળી ગયા
સુનીલે આપેલો જવાબ: એક મીડિયા હાઉસ વતી એક ઇન્ટરવ્યુ દરમિયાન જ્યારે સુનીલ ગ્રોવરને પૂછવામાં આવ્યું કે, લોકપ્રિય કોમેડી નાઇટ્સમાં તમારો અભિનય હજી પણ મનપસંદ માનવામાં આવે છે. શોના હોસ્ટ કપિલ શર્માએ વર્ષ 2018 પછી ઘણા ઇન્ટરવ્યુમાં કહ્યું છે કે, શોમાં તમારું સ્વાગત છે. શોમાં ફરી કપિલ સાથે કામ કરશો ? આ સવાલના જવાબમાં સુનીલે પોતાની સ્ટાઈલમાં જવાબ આપ્યો હતો. અત્યારે એવું કોઈ, કાં તો તમે તેને ફરી એકવાર પૂછો. તેની સાથે છૂટા પડ્યા પછી હું સારું કામ કરી રહ્યો છું. નોન-ફિક્શનમાં કામ કર્યા બાદ હું ફિક્શનના સેટ પર કામ કરી રહ્યો છું. કલાકાર બનવાની મજા આવે છે. આ કામ માણી રહ્યા છીએ. અત્યારે એવી કોઈ યોજના નથી.
આ પણ વાંચો: Abhijeet Bhattacharya: કોન્સર્ટની વચ્ચે ગાયક અભિજીતને યાદ આવ્યા લિટ્ટી ચોખા
સુનીલ ગ્રોવરનો વર્કફ્રન્ટ: એક્ટર અને કોમેડિયન સુનીલ ગ્રોવર 'ધ કપિલ શર્મા શો' છોડ્યા બાદ ફિલ્મ અને TVમાં અલગ-અલગ પ્લેટફોર્મ પર કામ કરી રહ્યો છે. તે ટૂંક સમયમાં જ બોલિવૂડના કિંગ ખાન તરીકે ઓળખાતા શાહરૂખ ખાનની ફિલ્મ 'જવાન'માં જોવા મળશે. જૂન મહિનામાં દર્શકો આ ફિલ્મ જોઈ શકશે. આ સિવાય સુનીલ ગ્રોવર નવી સિટકોમ 'યુનાઈટેડ કચ્ચે'માં કામ કરી રહ્યો છે. આ ઉપરાંત તેમની પાસે બીજા ઘણા પ્રોજેક્ટ છે જેના પર તેઓ કામ કરી રહ્યાં છે.
