હૈદરાબાદ: તારીખ 9 જૂનના રોજ 1978માં નેહા મહેતાનો જન્મ ભાવનગરમાં થયો હતો. આ અભિનેત્રી ગુજરાત રાજ્યના પાટણની રહેવાસી છે. તેમના લગ્ન વર્ષ 2014માં નીરજ મસ્કરા સાથે થયા હતા. નેહા મહેતાને TV સિરિયલ 'તારક મહેતા કા ઉલ્ટા ચશ્મા'થી ખુબજ પ્રસિદ્ધિ મળી હતી. નેહાએ આ સિરિયલમાં અંજલી મહેતાની ભૂમિકા ભજવી છે. આ ઉપરાંત નેહા TV સિરિયલ 'ભાભી'માં પણ શાનદાર કામ કર્યુ છે.
અભિનયની શરુઆત: નેહાને પોતાના પરિવારમાંથી જ ફિલ્મ ઉદ્યોગનું વાતાવરણ મળ્યું હતું. નેહાના પિતા ગીતકાર છે. અભિનેત્રીને નાનપણથી જ સંગીત શીખવાનો બહુ શોખ હતો. તેથી તેમણે વડોદરા શહેરમાં સંગીત વષયક્ષેત્રે પોસ્ટ ગ્રેજ્યુએશની ડિગ્રી મેળવી હતી. નેહાએ સૌપ્રથમ નાટકોમાં કામ કરવાનું શરું કર્યું હતું. આ સાથે તેમને થિયેટરોમાંથી ઓફર મળવા લાગી હતી. 'તૂ હી મેરા મૌસમ', 'હ્રુદય-ત્રિપુટી' અને 'મસ્તી મજે કી લાઈફ' જેવા ઘણા નાટકોમાં તેમણે ખુબજ સારું પરફોર્મ કર્યું હતું.
ફેમસ TV સિરિયલ: અભિનેત્રીની બે TV સિરિયલ ખુબજ ફેમસ છે. જેમાં 'તારક મહેતા કા ઉલ્ટા ચશ્મા' મોખરે છે. આ સિરિયલ અસિત મોદી અને અસિત કુમાર દ્વારા નિર્મિત છે, જેના સંપાદક રાહત સોલંકી છે. આ સિરિયલે દર્શકોના દિલમાં આગ લગાવી દીધી હતી. કલાકારોના શાનદાર અભિનયને કારણે આ સિરિયિલ ચાહકોના દિલમાં વશી ગઈ છે. 'ભાભી' સિરિયલ રાજેશ બેરી આરઆરઓમ જોષી દ્વારા લખવામાં આવી છે. આ હિન્દી ભાષામાં બનેલી સિરિયલમાં નેહાએ સરોજની ભૂમિકા ભજવી હતી.
TV સિરિયલ: નેહાએ ઘણી ગુજરાતી અને હિન્દી TV સિરિયલોમાં કામ કર્યુ છે. નેહા મહેતાની ગુજરાતી ફિલ્મની વાત કરીએ તો 'પ્રેમ એક પૂજા', 'બેટર હાફ', 'જનમો જનમ' સામેલ છે. આ ઉપરાંત તેમની TV સિરિયલોમાં જોઈએ તો 'ડૉલર બહુ', 'ભાભી', 'તારક મહેતા કા ઉલ્ટા ચશ્મા', 'સૌ દાદા સાસુ ન', 'વાહ વાહ ક્યા બાત હૈ' અને 'દેશમેં નિકલા હોગા ચાંદ' સામેલ છે.
