વડોદરા : જો તમે સામાજિક સેવાના ક્ષેત્રમાં આગળ વધી કારકિર્દી બનાવવા ઈચ્છો છો તો તમારે દેશના બીજા રાજ્ય કે વિદેશમાં ટોપની કોલેજ શોધવાની જરૂર નથી. કારણે કે, ગુજરાતના વડોદરામાં એમ.એસ.યુનિવર્સિટીની ફેકલ્ટી ઓફ સોશિયલ વર્ક તેના ક્ષેત્રની દેશની ચોથા નંબરની (Vadodara MS University BSMW Course) સૌથી શ્રેષ્ઠ કોલેજ છે. તેમાં એડમિશન શરૂ થયા છે. આ ફેકલ્ટીની ખાસિયત એ છે કે તેમાં અભ્યાસ કરતા વિદ્યાર્થીઓને કેમ્પસ માંથી જ 90 થી 100 ટકા પ્લેસમેન્ટ મળી જાય છે. તેમજ અભ્યાસ માટે AC સ્માર્ટ ક્લાસરૂમ છે.
અભ્યાસ સાથે ફિલ્ડવર્ક - વડોદરાના મહારાજા સર સયાજીરાવ ગાયકવાડ દ્વારા સ્થાપિત એમ.એસ.યુનિવર્સિટી તેના અંગ્રેજી માધ્યમમાં અપાતા શિક્ષણની સાથે તેની ફેકલ્ટીઓમાં અપાતા સારા શિક્ષણને કારણે દેશ અને વિદેશના વિદ્યાર્થીઓને અભ્યાસ માટે આકર્ષિત કરે છે. ત્યારે આ યુનિવર્સિટીની ફેકલ્ટી ઓફ સોશિયલ વર્ક એવી ફેકલ્ટી છે, જ્યાં અભ્યાસ કરતા વિદ્યાર્થીઓને કોલેજની સાથે ફિલ્ડ વર્કનો એટલો સારો અભ્યાસ મળી રહે છે કે તેમને અભ્યાસ બાદ નોકરી કે વ્યવસાય શોધવામાં મુશ્કેલીઓ નથી આવતી. આ ફેકલ્ટીમાં ગત વર્ષથી ધોરણ 12 પાસ બાદ પાંચ વર્ષનો BMSWનો પાંચ વર્ષનો (BSMW Course) કોર્સ શરૂ કરાયો છે. જેની નવી બેચના એડમિશન આ વર્ષે પણ શરૂ થઈ ગયા છે. આ કોર્સની મુખ્ય ખાસિયત તો એ છે કે તમે આ કોર્સમાં પ્રવેશ લીધા બાદ એક વર્ષ, બે વર્ષ કે ત્રણ વર્ષ પછી પણ એક્ઝિટ કરી દો એટલે કે અભ્યાસ છોડી દો પણ તમને ડિપ્લોમા કે ડિગ્રીનીનું સર્ટિફિકેટ મળે છે.
BSMW કોર્સ માટે લાયકાત અને ફી (BSMW Course in Gujarat)
- ધોરણ 12માં અંગ્રેજી વિષય સાથે 45 ટકા સાથે પાસ
- જો SC-ST ઉમેદવાર હોય તો 40 ટકા સાથે પાસ
- ઓનલાઇન એપ્લાય કરવાની અંતિમ તારીખ 18 જૂન 2022
- કુલ 80 બેઠકો
- પાંચ વર્ષનો કોર્સ
- કોર્સની ફી 60 હજાર પ્રતિ વર્ષ
- હોસ્ટેલની પણ સુવિધા
- પ્રવેશ માટે એન્ટ્રન્સ ટેસ્ટ
- વિદેશી વિદ્યાર્થીઓ પણ પ્રવેશ મેળવી શકે
BSMWની એન્ટ્રન્સ એક્ઝામમાં શું પુછાશે (BSMW Exam)
- 100 માર્ક્સની એક્ઝામ
- રજીસ્ટ્રેશન ફી 600 રૂપિયા
- જનરલ અવેરનેસ: સંસ્કૃતિ, રાજકારણ, ઈતિહાસ, ભૂગોળ, પર્યાવરણ
- અંગ્રેજી ભાષાના વ્યાકરણ અંગેના સવાલ
- લોજીકલ રીઝનીંગ
- 100 માર્ક્સની પરીક્ષામાં સરખા માર્ક્સની સ્થિતિમાં ધોરણ 12 ના માર્ક્સ જોવાશે
આ પણ વાંચો : Russia-Ukraine war : યુક્રેનથી અધવચ્ચે મેડિકલ અભ્યાસ છોડીને આવેલા વિદ્યાર્થીઓ સારા સમાચાર, લઇ લો લાભ
BSMW કોર્સની ખાસિયત (Features of BSMW Course)
- કોર્સ અંગ્રેજી માધ્યમમાં ભણાવાશે
- પાંચ વર્ષનો કોર્સ પણ ગમે તે વર્ષે અભ્યાસ છોડો તો ડિગ્રી મળે
- પ્રથમ વર્ષ પૂર્ણ કરી અભ્યાસ છોડો તો સર્ટિફિકેટ કોર્સ
- બીજું વર્ષ પૂર્ણ કરી અભ્યાસ છોડો તો અંડરગ્રેજ્યુએટ
- 3 વર્ષ પૂર્ણ કરો તો ડિગ્રી
- 5 વર્ષ પૂર્ણ કરો તો માસ્ટર ડિગ્રી
કેવી રીતે ઓનલાઇન એપ્લાય કરશો અને સુવિધા : www.msubaroda.ac.in કરો જેમાં Admissions ટેબ પર જઇ વિવિધ ફેકલ્ટી અને કોર્સની તમામ વિગતો મળશે. આ ઉપરાંત સુવિધાઓની વાત કરવામાં આવે તો, ફેકલ્ટી ઓફ સોશિયલ વર્કમાં અભ્યાસ કરતા વિદ્યાર્થીઓ માટે AC સ્માર્ટ ક્લાસ રૂમ, કોમ્પ્યુટર લેબ, લાયબ્રેરી, ઓડિટોરિયમ, એમ્ફી થિયેટર, અને કેમ્પસમાં જ કેન્ટિનની પણ સુવિધા છે. આ કેમ્પસ પણ વૃક્ષોથી આચ્છાદિત છે.
ક્યાં ક્યાં જોબ ઓફર મળે છે (Jobs After BSMW Course)
- NGO
- મેન્ટલ હેલ્થ ક્ષેત્ર
- વિવિધ ઇન્ડસ્ટ્રીઝ
- રૂરલ ડેવલપમેન્ટ
- સોશિયલ ડીફેન્સ
- કોર્પોરેટ સોશિયલ રિસ્પોન્સિબિલિટી
- વિદેશની કંપનીઓમાં જોબ ઓફર મળે છે
આ પણ વાંચો : Jamnagar Ayurveda University: જામનગરની આયુર્વેદિક યુનિવર્સિટી જ્યાં વિદેશથી પણ અભ્યાસ માટે આવે છે વિદ્યાર્થીઓ
ફેકલ્ટી ઓફ સોશિયલ વર્કમાં કયા કયા કોર્સ ચાલે છે
- BMSW 5 વર્ષનો કોર્સ
- MSW 2 વર્ષનો કોર્સ
- MHRM 2 વર્ષનો કોર્સ
- DHRM 1 વર્ષનો કોર્સ
- PG ડિપ્લોમા ઇન IRPM 1 વર્ષનો કોર્સ
