RSS અગ્રણી અને ભાજપનાં રાષ્ટ્રીય મહામંત્રી રામ માધવ વડોદરાની મુલાકાતે

ભાજપના રાષ્ટ્રીય મહામંત્રી રામ માધવે પંડિત દિન દયાળ ઉપાધ્યાયની જન્મજયંતિ નિમિત્તે આયોજિત કાર્યક્રમમમાં હાજરી આપવા વડોદરા આવ્યા હતા. જ્યાં તેમણે UN માં વડાપ્રધાન નરેન્દ્ર મોદીએ આપેલા નિવેદન બાબતે પણ વાત કરી હતી.

• RSS અગ્રણી અને ભાજપનાં રાષ્ટ્રીય મહામંત્રી રામ માધવ વડોદરાની મુલાકાતે
• UNમાં આપેલા વડાપ્રધાનના નિવેદન પર પ્રતિક્રિયા આપી
• આપણા વડાપ્રધાનનું સન્માન થઈ રહ્યું છે: રામ માધવ

વડોદરા: પંડિત દિન દયાળ ઉપાધ્યાયની જન્મજયંતિ નિમિત્તે આયોજિત કાર્યક્રમમાં હાજરી આપવા ભાજપના રાષ્ટ્રીય મહામંત્રી રામ માધવ વડોદરા આવ્યા હતા. વડોદરામાં ભાજપના રાષ્ટ્રીય મહામંત્રી રામ માધવે UNમાં આપેલા વડાપ્રધાનના નિવેદન પર પ્રતિક્રિયા આપી હતી. UNમાં પાકિસ્તાનના વડાપ્રધાન ઈમરાન ખાને આપેલા વર્ચ્યુઅલ ભાષણ અને તેમાં ફરી એક વખત કાશ્મીરના રાગનો જવાબ આપતા તેમણે કહ્યું હતું કે, ઈમરાન ખાન અમેરિકી રાષ્ટ્રપતિના ફોન માટે ઝંખે છે અને બીજી બાજુ આપણા વડાપ્રધાનનું સન્માન થઈ રહ્યું છે. તેમની પાસેથી જોવામાં આવતું નથી, તેથી તેઓ આવા વૈશ્વિક મંચનો દુરુપયોગ કરી રહ્યા છે.

આ પણ વાંચો: અફઘાનિસ્તાનની જમીનનો આતંકવાદ માટે ઉપયોગ ન થાય: મોદી

સરકાર જે યોગ્ય છે તેના પર કામ કરશે: રામ માધવ

રામ માધવે વધુમાં જણાવ્યું હતું કે, આતંકવાદને પોષતું પાકિસ્તાનનો ચહેરો હવે દુનિયાની સામે આવી ગયો છે. જેને ખુદ અમેરિકાના ઉપરાષ્ટ્રપતિએ પણ મંજૂરી આપી દીધી છે. તો ચીન પર બોલતા રામ માધવે કહ્યું કે, વડાપ્રધાને પણ પરોક્ષ રીતે ચીનની વિસ્તરણવાદી નીતિને તે મંચ પર મૂકી છે. ફારુક અબ્દુલ્લાની સલાહ જેમાં તેમણે તાલિબાન સાથે વાતચીતની હિમાયત કરી છે. તેના પર બોલતા તેમણે કહ્યું કે, લોકો દેશમાં ઘણા પ્રકારના સૂચનો આપે છે પરંતુ સરકાર જે યોગ્ય છે તેના પર કામ કરશે.

આ પણ વાંચો: 2025 સુધીમાં ભારત પાંચ ટ્રિલિયન અર્થતંત્ર બનવાનું લક્ષ્ય મેળવશે: ભાજપના મહામંત્રી રામ માધવની ETV Bharat સાથે ખાસ વાતચીત