હાઈકોર્ટના લોકડાઉન અંગેના નિર્દેશ બાદ કોર કમિટી સાથે ચર્ચા કર્યા પછી નિર્ણય લેવાશે : CM રૂપાણી

કોરોનાની સ્થિતિ અંગે મુખ્યપ્રધાન વિજય રૂપાણીના અધ્યક્ષસ્થાને ઉચ્ચસ્તરીય સમીક્ષા બેઠક યોજાઇ હતી. જેમાં મુખ્યપ્રધાન વિજય રૂપાણીએ કોરોના નિયંત્રણ અને સંકલન માટે પૂરતી સારવાર મળી રહે તે માટે જરૂરી સૂચનો અધિકારીઓને આપ્યા છે. બીજી બાજુ  હાઇકોર્ટ દ્વારા કોરોનાને નિયંત્રિત કરવા ત્રણથી ચાર દિવસ લોકડાઉન કરવા નિર્દેશ અપાયા છે. જે અંગે મુખ્યપ્રધાન વિજય રૂપાણીએ જણાવ્યું હતું કે, એડવોકેટ જનરલ સાથે નિર્દેશ અંગે ચર્ચા-વિચારણા કરી લોકોને ઓછામાં ઓછી તકલીફ થાય તેવા નિર્ણય સરકાર દ્વારા લેવામાં આવશે. ઇન્જેક્શનની અછતને ધ્યાનમાં રાખી રાજ્ય સરકાર દ્વારા ત્રણ લાખ રેમડીસીવીર ઇન્જેક્શનના ઓર્ડર અપાયા છે.

• ગુજરાત રાજ્યના મહાનગરોમાં કોરોનાની સ્થિતિ વધુ ખરાબ થઈ રહી છે
• ત્રણથી ચાર દિવસ માટે સંપૂર્ણ લોકડાઉન લગાડવામાં આવે
• એડવોકેટ જનરલ કમલ ત્રિવેદી સાથે ચર્ચા બાદ નિર્ણય લેવાશે
• 300 વેન્ટિલેટર સુરતને આપવામાં આવશે

સુરત : મુખ્યપ્રધાન વિજય રૂપાણીએ અધ્યક્ષતામાં અને નાયબ મુખ્યપ્રધાન નીતિન પટેલની ઉપસ્થિતિમાં સુરત ખાતે કોરોનાની સ્થિતિ અને તેના નિયંત્રણ માટે ઉચ્ચસ્તરીય સમીક્ષા બેઠક યોજી હતી. મુખ્યપ્રધાન રૂપાણીએ સુરતમાં કોરોનાના વધતા કેસ, કોરોના સંક્રમિત દર્દીઓને ઝડપી અને યોગ્ય સારવાર મળી રહે તે માટે બેડની સુવિધામાં વધારો કરવા વેન્ટિલેટર ઓક્સિજનની સુવિધા, જરૂરી દવાઓ ઉપલબ્ધ કરાવવા તેમજ રસીકરણમાં ઝડપ લાવવા વહીવટી તંત્રને જરૂરી સૂચનાઓ આપી હતી. આ બેઠકમાં ઉપસ્થિત આરોગ્ય રાજ્ય પ્રધાન કિશોર કાનાની સાંસદ અને ભાજપ પ્રદેશ પ્રમુખ સી.આર.પાટીલ, સુરત સાંસદ દર્શના જરદોશ સહિત ધારાસભ્યો અને મુખ્યપ્રધાનના મુખ્ય અગ્રસચિવ કૈલાસનાથન, આરોગ્ય વિભાગના અગ્ર સચિવ જયંતિ રવિ, આરોગ્ય કમિશનર જય પ્રકાશ શિવહરે, સુરત મ્યુનિસિપલ કમિશનર બંછાનિધિ પાની અને સુરત કલેક્ટર ધવલ પટેલ સહિતના સ્પેશિયલ ઓફિસર એમ.થેંનારસન હાજર રહ્યા હતા.

આ પણ વાંચોઃ LIVE : સુરતથી મુખ્યપ્રધાન વિજય રૂપાણીની પત્રકાર પરિષદ

એડવોકેટ જનરલ કમલ ત્રિવેદી સાથે ચર્ચા બાદ નિર્ણય

હાલ જે રીતે ગુજરાત રાજ્યના મહાનગરોમાં કોરોનાની સ્થિતિ વધુ ખરાબ થઈ રહી છે, તેને ધ્યાનમાં રાખી હાઇકોર્ટ દ્વારા નિર્દેશ આપવામાં આવ્યા છે કે, ત્રણથી ચાર દિવસ માટે સંપૂર્ણ લોકડાઉન લગાડવામાં આવે. હાઇકોર્ટના આ નિર્દેશને લઇ મુખ્ય પ્રધાન વિજય રૂપાણીએ જણાવ્યું હતું કે, સમાચાર માધ્યમોથી આ અંગે જાણકારી મળી છે. એડવોકેટ જનરલ કમલ ત્રિવેદી સાથે ચર્ચા બાદ નિર્ણય લેવાશે. કોર કમિટી નિર્ણયમાં ચર્ચા કરે અ અંગે જાણકારી એકત્ર કરાશે. તેઓએ જણાવ્યું હતું કે, સરકારે લોકોને ચિંતા નહીં કરવા માટે અપીલ છે. તકલીફ ન પડે એ સરકારની જવાબદારી છે, લોકોના હિતમાં યોગ્ય નિર્ણય લેવાશે.

હાઈકોર્ટના લોકડાઉન અંગેના નિર્દેશ બાદ કોર કમિટી સાથે ચર્ચા કર્યા પછી નિર્ણય લેવાશે: સીએમ રૂપાણી

આ પણ વાંચોઃ કોરોના સામે સરકાર ત્રણ ‘T’ ની વ્યૂહ રચનાથી આગળ વધી રહી છે : મુખ્યપ્રધાન રૂપાણી

દરરોજ એક લાખથી વધુ ટેસ્ટિંગ કરવામાં આવે છે

સુરતમાં વધી રહેલા કોરોનાના સંક્રમણને લઇ મુખ્ય પ્રધાન વિજય રૂપાણીએ જણાવ્યું હતું કે, ગુજરાતમાં હજુ કોરોનાના કેસો વધે તેવી શક્યતા છે. લોકોએ ચિંતા કરવાની જરૂર નથી. હાલ કોરોના ટેસ્ટિંગ વધારવામાં આવ્યું છે. દરરોજ એક લાખથી વધુ ટેસ્ટિંગ કરવામાં આવે છે. કોરોના પોઝિટિવ આવેલા લોકોના નજીકના લોકોનું પણ ટેસ્ટિંગ કરવામાં આવે છે. તેઓએ સુરત માટે 4 અગત્યના નિર્ણય કર્યા હતા. જેમાં નવનિર્મિત કિડની હોસ્પિટલમાં કોરોના સારવાર માટે 900 બેડની સુવિધા ઉપલબ્ધ કરાવ્યા હોવાની જાણકારી આપી હતી. 300 વેન્ટિલેટર સુરતને આપવામાં આવશે. ઇન્જેક્શનની અછતને ધ્યાનમાં રાખી રાજ્ય સરકાર દ્વારા ત્રણ લાખ ઇન્જેક્શનના ઓર્ડર આપ્યા હોવાની જાણકારી પણ મુખ્ય પ્રધાન દ્વારા આપવામાં આવી હતી.