- અંગત અદાવતમાં બગીચામાં બેઠેલા શખ્સ પર હુમલો કરવા આવ્યો
- આરોપી સાથે કુહાડી અને પિસ્તોલ હતી
- લોકોએ હાથપગ બાંધી કર્યો પોલીસને હવાલે
સુરત : હાથમાં કુહાડી અને કમરના ભાગે પિસ્તોલ લટકાવીને આવેલા હુમલાખોરને લોકોએ ઝડપી લઇ પોલીસને હવાલે કરવામાં આવ્યો હતો. હુમલાખોર બગીચામાં બેસેલા ઈસમ પર અંગત અદાવતમાં હુમલા કરવા આવ્યો હતો, પરંતુ લોકોએ તેને પકડીને તેના હાથ પગ બાંધી દીધા હતા.
કુહાડી અને પિસ્તોલ સાથે હુમલો કરવા આવ્યો હતો આરોપી
રાંદેર વિસ્તારમાં આવેલી તાડવાડી નજીક ઘરના બગીચામાં બેઠેલા ગેમલસિંહ ઠાકર નામના શખ્સ પર હુમલો કરવા માટે કલ્પેશ પટેલ નામનો વ્યક્તિ આવી પહોંચ્યો હતો. કલ્પેશના હાથમાં કુહાડી અને કમરના ભાગે પિસ્તોલ લટકતી હતી.
હાથ પગ બાંધી દઈને પોલીસને હવાલે કર્યો
આ હુમલો કરવા સાથે તેને ગેમલસિંહને ધમકી પણ આપી હતી કે, આજે તારો છેલ્લો દિવસ છે. જે દરમિયાન બગીચામાં હજાર ગેમલસિંહ ઠાકરના બન્ને પુત્ર તેમને બચાવવા પ્રયત્ન કરવા લાગ્યા હતા. જે બાદ બન્ને પુત્રએ આરોપી કિશોરને બગીચામાં હાજર અન્ય લોકોની મદદથી પકડીને તેના હાથ પગ બાંધી દીધા હતા. જે બાદ તેને પોલીસને હવાલે કર્યો હતો.
ઘટના અંગત અદાવતમાં થઈ
15 નવેમ્બરના રોજ બનેલી આ ઘટના અંગત અદાવતમાં થઈ હોવાનું જાણવા મળ્યું છે. આ સમગ્ર ઘટનામાં રાંદેર પોલીસે વિવિધ કલમો હેઠળ ગુનો નોંધી ફરિયાદ દાખલ કરી વધુ તપાસ હાથ ધરી છે.
