સુરત: શહેરમાં બાતમીના આધારે ડીઆરઆઇની ટીમે હજીરાના પોર્ટ પર એક કન્ટેનર ચેક કરતાં તેમાં નાર્કોટિક્સની યાદીમાં આવતી ટ્રેમાડોલના 15 લાખના જથ્થા કે જેની બજાર કિંમત સવા કરોડ જેટલી થાય છે, તે ઝડપી પાડી હતી. સાથે ત્રણ આરોપી હર્ષલ દેસાઈ, મેહુલ દેસાઈ અને કેમિસ્ટ તામલેની ધરપકડ કરી હતી. તપાસમાં જાણવા મળ્યું હતું કે, આરોપીઓ પૈકી દેસાઈ બંધુ અડાજણ વિસ્તારમાં રહે છે. તમામ આરોપીઓને બુધવારના રોજ સિવિલમાં કોરોના સેમ્પલ માટે મોકલી અપાયા હતા, હવે ગુરુવારના રોજ કોવિડ-19ના ટેસ્ટના પરિણામ આવ્યા બાદ તમામને કોર્ટમાં લઇ જવાશે.
- સોનગઢમાં ફેક્ટરીમાં દવા બનાવાતી
DRIના સૂત્રોએ કહ્યુ કે આરોપીઓ સોનગઢની ફેકટરીમાં દવા બનાવતા હતા. ત્યાંથી તેને હજીરા પોર્ટ પર લાવવામાં આવતી હતી અને બાદમાં શિપિંગ મારફત એક્સપોર્ટ કરાતી હતી. સોનગઢની ફેક્ટરી પણ હાલ સિલ કરવામાં આવી હોવાનું સૂત્રોએ જણાવ્યું હતું. જેની પાસે લાયસન્સ હોય તેઓએ જેટલી માત્રામાં દવાના ઉપ્તાદન કરવાની છૂટ મળી હોય તેટલી જ ઉત્પાદન કરી શકાય આરોપીઓ નિયમ પ્રમાણ કરતા વધુ દવા બનાતવા હતા.
- ડબલ લોકની સિસ્ટમ હોય
ટ્રેમાડોલનો દુરપયોગ થવાને પગલે 26 એપ્રિલ 2018ના દિવસે ભારત સરકારે નોટિફિકેશન બહાર પાડીને આ દવાને નાર્કોટિક ડ્રગ એન્ડ ફિઝિયોટ્રોપિક સબસ્ટેન્સ(એનડીપીએસ)ના કાયદા હેઠળ આવરી લીધી. આવી દવા ડબલ લોકમાં રાખવાની હોય છે. આ દવાની વેચાણ અને ખરીદીના આકરા નિયમ પાળવા પડે છે.
