- કોરોનાને હરાવવા દર્દીઓને અપાયું antibody cocktail injection
- સૌપ્રથમ વડોદરા અને ત્યારબાદ રાજકોટના બે દર્દીઓને અપાયા ઈન્જેક્શન
- કોરોનાની સારવાર માટે આ ઈન્જેક્શન કારગત હોવાનું ડૉક્ટરોનો દાવો
રાજકોટ: ભારતમાં કોરોના આવ્યા બાદ તેના પર સંશોધન કરવામાં આવી રહ્યા છે. આ ઉપરાંત કોરોનાને હરાવવા માટે નવી નબી દવાઓ પણ શોધવામાં આવી રહી છે. ત્યારે કોરોનાની બીજી લહેર ( second wave of corona ) ખૂબ જ ઘાતક બન્યા બાદ રાજકોટની ખાનગી હોસ્પિટલમાં 2 કોરોનાના દર્દીઓને એન્ટીબોડી કોકટેલ ઈન્જેશન ( antibody cocktail injection ) આપીને સારવાર કરવામાં આવી હતી. જેમાં બન્ને દર્દીઓનું ઓક્સિજન લેવલ ઓછું હતું. તે ઝડપી ઊંચું આવ્યું હતું. તેમજ કોરોનાના ક્રિટિકલ દર્દીઓ માટે આ એન્ટીબોડી કોકટેલ ઇન્જેક્શન ( antibody cocktail injection ) ખૂબ જ અસરકારક હોવાનો ખાનગી હોસ્પિટલના ડોક્ટર દ્વારા દાવો કરવામાં આવ્યો છે. જેના થકી કોરોનાના ખૂબ જ ઓછા સમયમાં મ્હાત આપી શકાય છે.
સૌરાષ્ટ્રમાં પ્રથમ રાજકોટમાં અપાઈ સારવાર
કોરોનાને હરાવવા માટે નવા નવા સંશોધનો થઈ રહ્યા છે. ત્યારે હવે કોવિડની સારવાર માટે એન્ટીબોડી કોકટેલ ઇન્જેક્શન ( antibody cocktail injection ) નો ઉપયોગ હાલ શરૂ કરવામાં આવ્યો છે. જેમાં પ્રથમ વડોદરા અને ત્યારબાદ સૌરાષ્ટ્રમાં માત્ર રાજકોટની એક ખાનગી હોસ્પિટલમાં કોવિડના દર્દીઓને આ ઈન્જેક્શન આપવામાં આવ્યા હતા. એન્ટીબોડી કોકટેલમાં કેસીરીવિમેબ અને ઈમડેવિમેબ નામના બે પ્રકારના એન્ટીબોડીનો સમાવેશ થાય છે. જેના થકી આ સારવાર આપી શકાય છે. હાલ આ એન્ટીબોડી કોકટેલ ઇન્જેક્શન ( antibody cocktail injection ) કોવિડની સારવાર દરમિયાન અસરકારક નિવડ્યા હોવાનું ખાનગી હોસ્પિટલના ડોક્ટર માની રહ્યા છે.
12 વર્ષના બાળકથી લઈને તમામ દર્દીઓને આપી શકાય
ખાનગી હોસ્પિટલના ડો. તેજસ કરમટાએ જણાવ્યું હતું કે, હજુ સુધી આ એન્ટીબોડી કોકટેલની કોઈ આડઅસર જોવા મળી નથી. જ્યારે 12 વર્ષથી માંડીને મોટી ઉંમરના અને ડાયાબિટીસના, કિડની, લીવર સહિતની ગંભીર બીમારીઓ ધરાવતા દર્દીઓને આ એન્ટીબોડી ઇન્જેક્શન આપી શકાય છે. જે અસરકારક પણ સાબિત થાય છે. જ્યારે કોરોનાના દર્દીઓને સામાન્ય લક્ષણ દેખાય એટલે તરત જ આ પ્રકારના ઇન્જેક્શન આપવામાં આવે છે. જેનો ફાયદો થાય છે. આ એન્ટીબોડી કોકટેલ ઇન્જેક્શન ( antibody cocktail injection ) અંદાજીત રૂપિયા 1190 ની કિંમત ધરાવે છે. જેમાંથી બે દર્દીઓને આ ડોઝ આપી શકાય છે.
