- રાજકોટ AIIMS ના 21 પ્લાનને અપાઈ લીલીઝંડી
- પીપળીયાથી AIIMS સુધીનો ટૂ-વે રોડ બનાવવાનો નિર્ણય લેવાયો
- IIMSમાં અડચણરૂપ મેઈન હેવી વીજલાઈન 8 દિવસમાં જ અન્ડરગ્રાઉન્ડ કરાશે
રાજકોટ : શહેરમાં આવેલા જામનગર રોડ ખાતે આગામી દિવસોમાં ભવ્ય AIIMS હોસ્પિટલનું નિર્માણ થશે. જેના માટેના વિવિધ પ્રોજેકટને હાલ સરકાર દ્વારા મંજૂરી પણ આપી દેવામાં આવી છે. ત્યારે મંગળવારના રોજ કુલ 22માંથી 21 પ્લાનને RUDA સહિતની વિવિધ કચેરીઓ દ્વારા મંજૂરી આપવામાં આવી છે. પ્રાથમિક માહિતી પ્રમાણે AIIMSની મુખ્ય બિલ્ડીંગના 7 માળ સહિત અલગ અલગ 22 બ્લોકનું નિર્માણ કરવામાં આવશે.
AIIMS દ્વારા બિલ્ડીંગ પ્લાન-પ્રોસેસ ફી પણ ભરી દેવામાં આવી
આગામી દિવસોમાં AIIMSનું નિર્માણ થશે, ત્યારે AIIMS દ્વારા કુલ રૂપિયા 1.39 કરોડ ભરી દેવામાં આવ્યા છે. કામગીરી ઝડપી બને તે અર્થે AIIMSની સાઈટ પર જ મોટા ભાગના અધિકારીઓની બેઠકોનું આયોજન કરવામાં આવ્યું હતું. જેમાં AIIMSમાં અડચણરૂપ મેઈન હેવી વીજલાઈન 8 દિવસમાં જ અન્ડરગ્રાઉન્ડ કરવા અંગેનો નિર્ણય લેવામાં આવ્યો હતો. જ્યારે 9 મીટરનો રસ્તો બનાવવાનું કામ હાલ ચાલી રહ્યું છે, પરંતુ પરાપીપળીયાથી AIIMS સુધીનો ટૂ-વે રોડ રૂડા-માર્ગ-મકાન દ્વારા બનાવવા અંગેનો નિર્ણય લેવામાં આવ્યો હતો.
આ પણ વાંચો - રાજકોટ AIIMSમાં આગામી ડિસેમ્બરથી OPD શરૂ થશે
6 માર્ચ, 2021 - રાજકોટમાં આવેલી ગુજરાતની પ્રથમ AIIMS હોસ્પિટલમાં આગામી ડિસેમ્બરથી OPD શરૂ કરવામાં આવશે. જેથી દર્દીને સેવાઓ મળી રહેશે. આ સમગ્ર મામલે તાજેતરમાં જ કલેક્ટર કચેરીમાં યોજાયેલી સમિક્ષા બેઠકમાં AIIMSના અધિકારીઓએ માહિતી આપી હતી.
આ પણ વાંચો - રાજકોટમાં નિર્માણ થનાર AIIMSનું બિલ્ડીંગ કેવું હશે..?, જુઓ તસવીર
20 ડિસેમ્બર, 2020 - કેન્દ્ર સરકાર દ્વારા ગુજરાતમાં પ્રથમ રાજકોટને AIIMS ની ફાળવણી કરવામાં આવી છે, ત્યારે AIIMS મેડિકલ કોલેજમાં વર્ષ 2020-21 માટે એડમિશન પ્રક્રિયા પૂર્ણ કરી સોમવારથી મેડિકલ કોલેજ ની 50 વિદ્યાર્થીઓની પ્રથમ બેચ શરૂ કરવામાં આવશે, સોમવારથી શરૂ થતી પ્રથમ બેંચમાં કેન્દ્રિય આરોગ્ય પ્રધાન તેમજ રાજ્યના મુખ્યપ્રધાનની અધ્યક્ષતામાં વર્ચ્યુલ શરૂઆત કરવામાં આવનાર છે.
આ પણ વાંચો - આજથી રાજકોટમાં AIIMS મેડિકલ કોલેજની પ્રથમ બેચ થશે શરૂ
20 ડિસેમ્બર, 2020 - રાજકોટમાં આગામી દિવસોમાં AIIMSની નિર્માણ થવાનું છે. જેને લઈને કેન્દ્ર સરકાર અને રાજ્ય સરકાર દ્વારા તમામ મંજૂરીઓ આપી દેવામાં આવી છે. તેમજ હાલ એઇમ્સ માટેનું કામ પણ શરૂ થઈ ગયું છે. જ્યારે એઈમ્સ શરૂ થાય તે પહેલા જ સરકાર દ્વારા એઇમ્સ માટેની મેડિકલ કોલેજ શરૂ કરવાનું આયોજન કરવામાં આવ્યું હતુ. જેના ભાગરૂપે આજથી એઇમ્સ માટેની પ્રથમ બેચ શરૂ કરવામાં આવનાર છે.
