હાલારી ગધેડીના દૂધથી કોરોનાને કાબૂમાં કરી શકાય? એક લિટર દૂધના અધધ 7 હજાર!

જામનગર જિલ્લામાં હાલારી ગધેડા નામશેષ થવાના આરે છે ત્યારે ધ્રોલ તાલુકાના નાના ગરેડીયા ગામમાં માલધારી ટોયટા પરિવાર છેલ્લાં પાંચ પેઢીથી ગધેડાના પશુપાલનનો વ્યવસાય કરી રહ્યાં છે.તાજેતરમાં હાલાર ગધેડીનું દૂધ ઉત્તમ હોવાનું સંશોધન થયા બાદ હરિયાણા ખાતે હાલારી ગધેડીના દૂધની ડેરી સ્થાપવાનો નિર્ણય લેવામાં આવતાં હાલારી ગધેડીનું જતન કરનારા માલધારી પરિવાર રાતોરાત લાઈમલાઈટમાં આવી ગયો છે.

જામનગરઃ વર્ષો પહેલાં ગધેડાનો ઉપયોગ માલસામાનની હેરફેર માટે કરવામાં આવતો હતો પરંતુ જમાનો બદલાતાં મશીનરી આવી જતાં ગધેડાની કોઈ કિંમત જ રહી ન હતી. ગધેડાના વ્યવસાય સાથે સંકળાયેલા માલધારી તેમ જ અન્ય પશુપાલન તરફ વળી જતાં ગધેડા કામ વિનાના થઈ ગયાં હતાં.કચ્છ અને જામનગર જિલ્લામાં જોવા મળતાં હાલારી ગધેડીનું દૂધ ઉત્તમ હોવાનાં સંસોધનો સામે આવતાં ફરીથી હાલારી ગધેડીનો જમાનો આવી રહ્યો છે. જામનગર જિલ્લામાં જોવા મળતી હાલારી ગધેડાની પ્રજાતિના વ્યવસાય સાથે સંકળાયેલા ધ્રોલ તાલુકાના નાના ગરેડીયા ગામના માલધારી વશરામભાઈ સોડાભાઈ ટોયટાની 5 પેઢીથી ઘેટા બકરાની સાથોસાથ ગધેડા ગધેડી રાખવાનો વ્યવસાય કરી રહ્યાં છે.

હાલારી ગધેડીના દૂધથી કોરોનાને કાબૂમાં કરી શકાય? એક લિટર દૂધના અધધ 7 હજાર!

ETVBharat સાથેની ટેલિફોનિક વાતચીતમાં માલધારી વશરામભાઈ પોતાના પિતા સોડાભાઈની યાદ વાગોળતાં જણાવ્યું કે આજથી સોથી દોઢસો વર્ષ પહેલાં અમારા પૂર્વજો લાખાભાઈ સામતભાઈએ ગાડર સાથે ગધેડા રાખવાની શરૂઆત કરી હતી અને પેઢી દર પેઢી આ સિલસિલો ચાલ્યો આવતો.બાદમાં પેઢી દર પેઢી આ વ્યવસાયને આગળ વધાર્યો છે. લાખાભાઈએ ગધેડાં રાખવાના વ્યવસાય જાળવી રાખ્યા બાદ હાલમાં તેમનો પુત્ર વશરામ ગધેડા ગધેડી રાખીને ટોયટા પરિવારની પરંપરા જાળવી રાખતાં આનંદ થાય છે.

વશરામભાઈ પાસે હાલ હાલારી જાતની ઉત્તમ 40 જેટલી ગધેડી અને પાંચમી વસેરા ગધેડા બ્રિડિંગ માટે રાખવામાં આવ્યાં છે અને ગધેડાના વ્યવસાય સાથે સંકળાયેલા માધુરી લોકો વેચાણ માટે વૌઠામાં જે મેળો ભરાય છે ત્યાં લઈ જાય છે.હાલ કોરોનાકાળ ચાલી રહ્યો છે ત્યારે ગધેડીના દૂધની ડીમાન્ડ જબરી જોવા મળી રહી છે.જો કે ટોયટા પરિવાર ગધેડીનું દૂધ વેચતાં નથી પણ એક વ્યક્તિ ગધેડીના એક લીટર દૂધના રૂપિયા 7000 આપી અને ચાલ્યાં ગયાં હતાં.જોકે બહુ ઓછા લોકોને ખ્યાલ હશે કે રોગપ્રતિકારક શક્તિ વધારવા માટે ગધેડીનું દૂધ ઉત્તમ છે અને બાળ રોગમાં ગધેડીના દૂધનો ઉપયોગ થાય છે ત્યારે વશરામભાઈ ક્યારે બાળ રોગમાં ઉપયોગ લેવા માટે ગધેડીના દૂધના પૈસા લેતાં નથી. જામનગર જિલ્લામાં જોવા મળતી હાલારી ગધેડી પ્રજાતિનું દૂધ ઉત્તમ હોવાનો વૈજ્ઞાનિક કારણો પર પણ આવ્યાં છે અને ગધેડીના દૂધમાંથી એન્ટિઓક્સિડન્ટ તત્ત્વો ખૂબ જ હોય છે અને ફેટનું પ્રમાણ ઓછું છે અને હાલારી ગધેડીનું દૂધ હવે ઉત્તમ સાબિત થઇ રહ્યું છે. આમ જામનગર જિલ્લાની હાલારી ગધેડી ઉત્તમ પ્રજાતિની હોવાથી તેનું દૂધ સર્વ શ્રેષ્ઠ હોવાનું સંશોધન થયાં બાદ NRCE એ દ્વારા હરિયાણાના હિસારમાં હાલારી પ્રજાતિની ગધેડીના દૂધની ડેરી શરૂ કરવાનું નિર્ણય લેવાયો છે અને નાના ગઢડિયાના માલધારી પાસેથી હાલારી ગધેડીના બ્રિડિંગ માટે ગધેડી ગધેડાની 10થી વધુ જોડી મંગાવી છે ત્યારે ફરીથી હાલારી ગધેડીનો જમાનો આવશે તે વાત નક્કી છે.ધ્રોલ નાના ગરેડીયાના વશરામભાઈ ટોયટાના 40 ગધેડામાંથી એક ગધેડીને શીતલ નામથી બોલાવવામાં આવે છે અને આ શીતલને ગત વર્ષે કેન્દ્ર સરકારના પશુપાલન વિભાગ દ્વારા રૂપિયા 10,000નાં ઇનામ સાથે સમગ્ર ગુજરાતમાં પ્રથમ નંબરે આવનારી ગધેડી તરીકેનું બહુમાન પણ મળ્યું છે.