GG Hospital Attendant Sexual Abuse Case: 8 યુવતીઓની 5 કલાક પૂછપરછ, 2 દિવસમાં કમિટી રિપોર્ટ આપશે

જામનગર જી.જી. કોવિડ હોસ્પિટલમાં કથિત મહિલાના જાતીય શોષણના મામલે ( GG Hospital Attendant Sexual Abuse Case) આમઆદમી પાર્ટીના પ્રમુખ અને પૂર્વ ડેપ્યુટી મેયર કરશન કરમુરે જણાવ્યું હતું કે, જે પ્રકારે તપાસ સમિતિ ( GG Hospital Sexual Abuse Investigation Committee ) દ્વારા ભોગ બનેલી મહિલાના વિડીયો શૂટિંગ ઉતારવામાં આવે છે તેનો અમે સ્પષ્ટ વિરોધ કરીએ છીએ. આ ઘટનાની તપાસમાં સરકારી અધિકારી દ્વારા ઢાંકપિછોડો કરવામાં આવી રહ્યો છે તેઓ આક્ષેપ પણ કર્યો હતો.

• જામનગર જાતીય શોષણ મામલો
• 8 યુવતીઓની 5 કલાક પૂછપરછ કરવામાં આવી
• બે દિવસમાં કમિટી રિપોર્ટ રજૂ કરશે
• આપ પ્રમુખે કરી મહિલ આયોગ દ્વારા તપાસની માગ

જામનગરઃ જી.જી. કોવિડ હોસ્પિટલમાં (GG covid hospital ) એટેડેન્ટન્ટ તરીકે ફરજ બજાવતી મહિલાઓનું અધિકારીઓ દ્વારા જાતીય શોષણ ( GG Hospital Attendant Sexual Abuse Case) કરવામાં આવ્યાંની ઘટનાની અંગે જામનગર આમઆદમી પાર્ટીના પ્રમુખ કરશન કરમુર હોસ્પિટલે દોડી ગયાં હતાં.

યુવતીઓની પૂછપરછ વખતે વિડીયો શૂટિંગ કરવામાં આવ્યું ત્યાં તેઓએ સરકાર દ્વારા નિમાયેલી તપાસ સમિતિની ( GG Hospital Sexual Abuse Investigation Committee ) કામગીરીને જોઇને ખૂબ જ નારાજગી વ્યકત કરી હતી. તેઓએ આ અંગે મીડિયા સાથે વાતચીત કરતા જણાવ્યું હતું કે, જે મહિલાઓના નિવેદન લેવા માટે બોલાવવામાં આવે છે તેઓના નિવેદન રાત્રીના 9 વાગ્યા સુધી લેવામાં આવ્યાં નથી. તેટલું જ નહીં જે નિવેદન આપવા મહિલા કમિટી સમક્ષ જાય છે તેનું વિડીયો શૂટિંગ ઉતારવામાં આવી રહ્યું છે. જેનો અમે સખ્ત વિરોધ કરીએ છીએ. જે રીતે કોર્ટમાં પ્રશ્ર પૂછવામાં આવે તે રીતે મહિલાઓને પોલીસ અધિકારીઓ દ્વારા પ્રશ્નો થાય છે જે પણ ગેરવાજબી છે. તેઓએ એવો આક્ષેપ કર્યો હતો કે જામનગરની જી.જી. હોસ્પિટલમાં મહિલા એટેડેન્ટન્ટના જાતીય શોષણના મામલે ( GG Hospital Attendant Sexual Abuse Case)સરકાર ઢાંકપિછોડો કરવા સરકારી અધિકારીનો ઉપયોગ કરી રહી છે.

આ પણ વાંચોઃ Sexual harassment: ETV Bharat સાથે વાત કરી જાતીય શોષણ ભોગ બનેલા એટેન્ડન્ટ્સે, ન્યાય મળશે ?

આ કેસની તપાસ થાય અને જે કોઇ દોષિત હોય તેની સામે કાર્યવાહી કરવાની કરાઈ માગ

રાજ્યના મુખ્યપ્રધાનને સંબોધીને જણાવ્યું હતું કે, આ કેસની તપાસ માટે મહિલા આયોગની ટીમ મોકલવામાં આવે. મહિલાઓ દ્વારા આ કેસની તપાસ થાય અને જે કોઇ દોષિત હોય તેની સામે કાર્યવાહી કરવામાં આવે. તેઓએ જામનગરના રાજકીય આગેવાનો, ધર્મગુરૂઓ સહિત બુદ્ધિજીવીઓને આ કેસની તપાસમાં જોડાવા અપીલ કરી હતી અને આ બનાવને વખોડી કાઢ્યો હતો. આ કેસમાં દોષિતને સજા થાય અને મહિલાઓને ન્યાય મળે તે માટે આમ આદમી પાર્ટી મેદાનમાં આવશે અને સત્ય બહાર લાવીને જ રહેશે.

આ પણ વાંચોઃ sexually harassment in gg hospital - ફરજ બજાવતી 60થી 70 યુવતી બની યૌન શોષણનો ભોગ, આરોગ્ય કર્મીએ કર્યો આક્ષેપ